Higher & Technical Education Minister, Pu R.Romawia chuan Mizo \halai kum 2017-a UPSC hnuaia Competitive Examna Preliminary paltlang mi 5 leh main exam paltlang mi 1 bakah National Defence Academy leh Naval Academy exam paltlang mi 4 hnenah leh Combined Defence Services exam paltlang mi 1 hnenah vawiin khan Cash Incentive Award Rs.1,00,000/- \heuh a hlan. Heng mite \anpuina leh tihphurna Award dawngtute hi an vaiin mi 11 an ni. A semna inkhawm Secretariat Conference Hall-a neihah thusawiin Pu R. Romawia chuan Mizoram sorkara dinhmun pawimawh tak tak chelh tur Mizo IAS Officer an tlem ta chu pawi a tih thu sawiin, Mizo Officer dinhmun pawimawh chelhtu an awm loh chuan sorkar leh mipuite indawr kawngah harsatna a awm thei niin a sawi a, Mizo \halai lehkha thiam tam zawk Competitive Exam beia, sorkara dinhmun pawimawh chelh tum turin a fuih a ni. He inkhawmah hian Higher & Technical Education Secretary, Pu Lalrinliana Fanai pawhin UPSC hnuaia Competitive Exam chu inelna a nih avangin exam-na beitu nih ve ringawt a t^wk lova, tling tura \an lak a \ul tih a sawi a ni. Mizoram sorkar hian UPSC hnuaia Competitive Exam-naa tel tura Preliminary Exam-na leh Main Exam-a tlingte Cash Incentive atan kum 1992 a\ang khan Rs.5,000/- a pe \hin a, hei hi kum 2004 khan Rs.10,000/-ah tihsan a ni a, Mizoram Scholarship Board chuan hei hi kum 2017 khan Rs.1,00,000/-ah a tisang a, Coaching-a an kal chuan exam-na beih tumte hian \anpuina Rs.20,000/- thleng an hmuh theih bakah Hostel-a awm an nih chuan mess fee atan Rs.2,000/- thla tin, thla ruk chhung an dawng thei bawk a ni.
