Bairani Zophai-a Mizo Journalist kutthlak an nih duh lohna Mizoram Journalist Association-in District khawpui hrang hrangah an lantir

0
567
views

Tun hnaia Bairabi Zophai hmuna MZP leh Assam Police in>p-naa Mizo Journalist kutthlak an nih duh lohna vawiin khan Mizoram Journalist Association-in District khawpui hrang hrangah an lantir.

Aizawlah chuan lungawi lohna hi chhun dar 12 a\anga chawhnu dar 1 inkar khan Vanapa Hall kawtah an lantir a, hetah hian MJA Member-te chuan, Assam police-in Mizo Journalist-te kut an thlak an dem thu te, Journalist zinga hliamte chu zangna dawmna pek an phut thu leh he thil thlen dan hi chhui chian an phutna thuziak hrang hrang an keng a ni. A kharna inkhawma thusawitu MJA President, Pu Vanlalrema Vantawl chuan, Bairabi Zophai hmuna MZP leh Assam Police in>pnaa hmeichhia 2 tela Mizo Journalist 8-in chanchinbumi an ni tih an hrilh lawm lawm chunga Assam Police-in kut an thlak chu an dem hle tih a sawi a. Hetianga chanchinbu miten lungawi lohna an lantir hi Assam Sorkar-in hria se, Journalist kut an thlak leh an bungrua an tihchhiat sak chu zangnadawmna pe ngei se an phut tih a sawi. Pu Vanlalrema Vantawl chuan, hetia tualchhunga lungawi lohna an lantir hi an duhtawk mai dawn lo tih sawiin, rorelna dik an hmuh theih nan thuneitu sang lamah an zualko tawh thu leh an bawhzui zel tur thu a sawi a. Journalist-te chu ramri nei lova hna thawk \hin leh a \ulna hmun a pianga kal \hin an nih avangin boruak ralmuan lohna hmunah chuan Sorkar-in venhimna pe \hin se an duh tih a sawi bawk.

Vawiina MJA-in lungawi lohna a lantir lai hian I&PR Minister, Pu Lal Thanzara, Social Welfare Minister, Pu PC. Lalthanliana leh Congress MLA Pu Chalrosanga bakah MNF MLA pahnih – Pu Lalruatkima leh Dr. Beichhua-in an tlawh a. I&PR Minister, Pu Lal Thanzara chuan, Assam Police-in Mizo Journalist-te kut an thlak chu a dem thu leh chhan engemaw vangin ram leh ram an lo indo tawh \hin tih a, tun hnaia State ramri buaina avang mai maia Assam Police-in silai an hmetpuak chu a dem hle tih a sawi a. I&PR Minister a nih angin Mizo Journalist-te kutthlak an nih chungchang hi Assam Chief Minister hnena a thlen tawh thu leh a \ul anga bawhzui zel a nih tur thu a sawi a ni. I&PR Minister, Pu Lal Thanzara hian nimin khan MJA President hnenah lehkha thawnin, Bairabi Zophaia MZP-in Zofate Chawlhbuk sak a tum ngaihvena kal Mizoram Journalist-te’n Assam police kut an tuar chu pawi a tih thu hrilhin, hliam tuarten harsatna an nei zui a nih chuan a hnena hriattir turin a ngen a. Mizo Journalist-te kutthlak an nih chungchangah hian nimin vek khan Assam Sorkar-a I&PR Minister hnenah lungawi lohna thlenin, Mizo chanchinbumite thlavang hauh tur leh Police-te kut an tawrh chungchangah hma la turin a ngen tih Sorkar thuchhuahin a tarlang bawk.

District hrang hranga MJA member-te pawhin Mizo Journalist kutthlak an nih duh lohna hi an lantir a. Lungleiah chuan, chhun dar 12 a\anga chhawhnu dar 1 inkar khan Venglai Traffic Point bulah lungawi lohna hi an lantir a. Lunglei District MJA President, Pu H. Lalthansanga chuan, hmeichhe 2 tela Mizo chanchinbu mi 7-in Press Card awrh chung leh Press mi an nihna pawh zah lova Assam Police-in kut an thlak leh mawl taka chanchinbu mite zalenna an rapbet chu pawi an tih thu a sawi a. Lungleia lungawi lohna lantirnaah hian Lunglei Sub Hqrs. YMA, MZP Hqrs. leh MSU Regional Hqrs. hruaituten thu an sawi bawk.

Serchhipah pawh chhun dar 12 leh dar 1 inkar khan Serchhip Bazar tualah lungawi lohna an lantir a. Serchhip District MJA President, Pu C. Ramengmawia chuan, Mizo Journalist-ten State dang Police kut an tawrh laia Mizoram sorkar a\anga an thlavang hauhna hriattur a awm lo chu an ngaithiam lo hle tih a sawi a. I&PR Minister-in MJA Gen. Hqrs. President hnena tawrhpuina lehkha a thawnah pawh Journalist-te thlavang hauhna hmuh tur a awm lo chu hriatthiam har an tih thu a sawi.

Kolasib-ah chuan Kolasib District MJA huaihawtin lungawi lohna hi Bawrhsap pisa tualah an lantir a. District MJA President, Pu R. Lalhmingthanga chuan, hmeichhiate himna ngaihpawimawh vanga Women Commission hial awmna India ram State pakhatah hmeichhe Journalist pawh zah lova nghaisak an ni chu an hriatthiam loh thu leh sawibelh tur an hriat loh thu a sawi a. Assam Police kut tuar zinga mi, Kolasib District MJA President hlui, Pu H. Vanlalnghaka pawhin thu a sawi bawk. Kolasib District MJA member-te hian Resolution siamin, Assam Police-ten tun thla ni 8 leh ni 10-a Mizo Journalist kut an thlak chu na an tih thu te, Journalist hliamte chu Assam sorkar-in zangnadawmna a pek an phut thu leh Assam Police-in Mizo Journalist kut an thlak chungchang hi Press Council of India leh Prime Minister Office-ah thlen ni rawh se tihte an Resolution-ah chuan an ziak a ni.

Siaha-ah pawh Siaha District MJA member-ten tun thla ni 8 leh ni 10-a Assam Police-in Mizo Journalist chunga kut an thlak duh lo zia lantir nan Siaha Bazar Traffic Point-ah lungawi lohna hi an lantir a. Champhaiah chuan Champhai Vengthlanga Darthangvunga Traffic Point-ah District MJA member-ten lungawi lohna an lantir a. Mamit-ah pawh MJA Member-te chu Charkawn-ah pungkhawmin lungawi lohna hi an lantir a, MJA member-ten hmun hrang hranga lungawi lohna an lantirnaah hian an lungawi lohna lantirna thuziak an keng hlawm a ni.