Bawngkawn leh Durtlang inkar kawngpui chu lirthei chi tin kal theihin siam

0
358
views

Bawngkawn leh Durtlang inkar kawngpui chu lirthei chi tin kal theiha siam tlang a ni leh tawh a. Ruah a sur chhunzawm loh a, harsatna dang a thlen loh chuan kawng hi hawn chhunzawm zel theih tawh beisei a ni. Puan tawh \hin angin, tunkar |hawhtan zan dar 11:30 vel khan kawngchhak lam a\anga lung tla chuan Bawngkawn Shalom venga Pu Vanlalsiama in, Assam type chhawng hnih chu a hnawl chhe vek a. Lung tlakna hmun hi mi thiamten an enfiah hnuah harsatna dang a thlen loh nan kawng chhak lama lung tla leh mai thei awmte chu thenfai hmasak a ni a, hei vang hian kawng hi a tlang leh har ta deuh a ni. Lung tlakna hi vawiin khan Aizawl Addl. DC, Pu John LT Sanga hovin Disaster Response Team, Bawngkawn leh Leitan khawtlang hruaituten an en fiah a, lung tla bangte chu a theih ang anga thenfai leh a nih hnuah kawngpui hi lirthei chi tin kal theiha hawn nghal a ni. Bawngkawn Local Council Chairman, Pu H. Lalduhkima chuan, lung tla avanga Bawngkawn leh Durtlang inkar kawng khar a nih chhunga mipuiten harsatna an tawk chu pawi a tih thu a sawi.