Bawngkawn leh Thuampui NH-54 inkar siam tha mek

0
473
views

National Highway 54-a Bawngkawn leh Thuampui inkar kawng chhuat khuar lutuk hnawh khah leh chil mam hna chu tunlai hian ngawrh taka thawh mek a ni a, hnathawktute hi vawiin chawhnu khan Chief Minister Office-a Minister Pu Lal Thanzara leh PWD Highway Chief-Engineer Pu K. Lalsawmvela ten a hmunah an en. He kawng siam that hna hi Contractor hnenah nikum khan pek tawh a ni a, amaherawhchu fur ruahtui tla in hna kal lai a nan tak a vangin chawlhsan a ni a, tunah hian kawng chhe zual lai siam that hna thawh a ngai leh ta a ni. Hetih lai hian Zemabawk daia Central Water Commission awmna hmun panna kawng peng bula nimina kawngchhak minin kawng a hnawh pin chu lirthei chitin kal theihin siam tlang a ni leh tawh a, amaherawhchu kawngchhuata lunglian tak tak leh chang tak tak tla te chu vawiin tlai thleng khan thenfai zawh theih a la ni lova, he hna hi chhunzawm zel a ni ang. Hetih lai hian Ngaizela khama lung tlakna hmuna lung tla leh maithei nimin tlaia tum 8 hal thlak a nih hnuah he kawng hi lirthei chitin kal theih a hawn a ni leh tawh bawk a ni. Hetih lai hian Chief Engineer Roads Pu John Rammawia hovin vawiin chawhnu khan tunlaia Mizoram hmun hrang hranga kawng dinhmun leh siamthat ngailaite sawiho a ni a, he Meetingah hian PWD Officer te chu an hnuaia Contractor theuhte tan la tura ngen ni se tih a ni.