Bawngkawn Police-ten dan loa rangkachak tawlhruk leh a neitu man

0
1417
views

Bawngkawn Police-in nizan khan Zemabawk daiah dan lova rangkachak tawlh ruk tlang 12, Kg. 1 leh gram 992 a rit leh a neitu puh, Zomuanpuia (26) Myanmar Tahan ‘C’ Group, tuna Champhai District-a Biate-a khawsak mek nia insawi an man a. Bawngkawn Police hnen a\anga Zonet thu dawn danin, rangkachak hi Scorpio, MZ 01E – 3054 hmangin Zokhawthar a\anga Aizawl lam panpui a nih laiin nizan dar 8 vel khan man a ni. Police hmaa a inpuan danin rangkachak kengtu, Zomuanpuia chuan, rangkachak hi ama ta ni lovin, cheng nuai 1 hlawh tura Zokhawthar a\anga mi dang ta a kensak niin a sawi a. Rangkachak phurh nana a hman Scorpio chu cheng sing 2 chawia a hman nia sawiin, Motor neitu chu a la hriat ngai loh thu a sawi. A thawntute chuan rangkachak hi zing dar 1 velah Aizawl |huampui venga lo dinpui tura an hrilh rualin, a la chhawng turten an lo lam mai dawn tih an hrilh niin a sawi a, rangkachak hi a neitu dik tak leh a lo la chhawngtu tur pawh a hre lo niin a sawi bawk. Police-te chuan rangkachak leh a neitu puh hi nizan khan Customs Department mite kutah an hlan chhawng nghal a. Customs Act,1962 section 108 hmangin rangkachak neitua puh Zomuanpuia leh a phurhna motor khalhtu, Chalthleng Lalthangvela, Zokhawthar chu hren nghal an ni a, thu zawh fiah an nih hnuah nichin tlai khan Court-a hruai nghal an ni.