Staff Nurse lakna tura MPSC rawtna sorkarin a hnawl chhan sawi

0
606
views

MPSC hotuten nikuma Staff Nurse lakna tura MPSC-in rawtna a siam, sorkarin a hnawl chhan chu Declaration Form-ah an hming an ziah loh vang niin vawiin khan MPSC office-ah thuthar la khawmtute an hrilh a. Declaration form-ah hian member-te laina an tel lo tih ziahna tur chauh a awm nia sawiin, an rawtte zingah khan an lainate an tel ve si avangin hming hi ziak lo mai niin an insawi a, hming hi ziak ta se dawt sawi an ni zawk dawn niin an sawi. MPSC hotute chuan, hei hi Department hrang hrang hna thawk tur lakna atana sorkara rawtna an siam hnawl a nih vawi khatna a nih thu an sawi a, MPSC rawtna hi sorkarin a hnawl chuan, hnawl a nih chhan leh a hnawlte chu Assembly-ah pharh a ngai nia sawiin, nikuma Staff Nurse atana lak tura rawtte hnawl a nih chungchang hi tun thlengin Assembly-ah pharh a la ni lo nia an hriat thu an sawi bawk.

MPSC Chairman, Pu PC Lawmkunga chuan, tun kar Zirtawpniah a hun a tawp dawn tih sawiin, a aiawh tur erawh chu a la hriat loh thu a sawi a, hemi chungchangah hian CM nen pawh an inbiak tawh thu sawiin, a chawlh hnua MPSC khaipa la awm turte chu Member Rev Zosangliana Colney, Secretary, Pu Lalzirmawia Chhangte, Joint Secretary, Pu K Lalrinkima leh Dy. Secy. Pu Rosiamliana te an nih thu a sawi a, MPSC member zinga mi, Pu Zorammuana chu kumin February khan a lo chawl tawh niin a sawi. Pu PC Lawmkunga chuan, hna lakna atana interview an buatsaih chu a dik tawk hle tih a sawi a, a thiam leh tlingte chauh an lak \hin thu te, chhungte emaw, party leh \hian \hate emaw duhsak theih an nih loh thu sawiin, Group B chin chung lam hna ruak hnawh khahna tur an khawih niin a sawi. Zawhna chhangin MPSC hotute chuan, Exam fee to chhan chu sorkarin intodelh tura a tih vang niin an sawi a, MPSC chu sum la lut tur ni lo mah se, sorkar sum harsat avangin exam fee leh application form hralhna a\anga sum an hmuh chu sorkar sum bawmah an chhung lut ve \hin tih an sawi a, sorkar kum kal mekah sorkarin a tuk zat, cheng nuai 26 chu an khum tawh niin an sawi bawk. MPSC hotute chuan an sum hmuh, an duh ang anga hmang anga sawi awm chu thu dik lo a nih thu sawiin, dan dik tak hmangin sorkar sum bawmah an dah luh bakah an mamawh pawh an la chhuak \hin niin an sawi bawk.