Vawiina an party office-a chhung inkhawmah he thu hi sawiin, tunah hian Assam sorkara Cabinet Minister zingah Kristian MLA pahnih an awm mek niin a sawi a, heng mite hi Department pawimawh tak tak chelh tir an ni, a ti a. Assam-ah hian Kristian te an tlakchhamna leh harsatnaah vawi tamtak chhawmdawl an ni tawh a, an hmalakna avang hian BJP chuan mi tam tak rinna a hlawh chho mek niin a sawi. Pu Himanta Biswa Sarma chuan, Mizoramin Assembly inthlanpui a hmachhawn turah BJP chuan party dang thawhpui nei lovin, an mal din dawn niin a sawi a, Mizo mipuite zarah sorkarna an siam theih ngei pawh an ring tih a sawi.
He inkhawm hi BJP Mizoram State General Secretary, Pu Vanlalhmuaka’n a kahruai a, State President, Prof. JV. Hluna pawhin thu a sawi bawk.
