Govt. T Romana College in vawiin khan Cultural Day an hmang.

0
568
views

 

A hmanpuitu MJA President Pu Zonunsanga khiangte chuan, Mizo zingah aia upa zah a tlahniam ta chu veiawm a tih thu a sawi a, hetihlai hian Govt. T Romana College in Cultural Day thupui atana Aia Upa zah tih an hmang chu \ha a tih thu sawiin thupuia hman chu duh tawk mai lova nuna lantir a midang te zirtirtu ni turin a chah.

Cultural Day pual hian Mizorm State Museum nen \angkawpin Mizo hnam zia tarlanna chi hrang hrang pholan nan College building-ah exhibition an buatsaih a, Zirlaite leh thawktute hnam zia tilang thei hmanga inthuamin he college-a lut zinga hnam peng hrang hrang – Mara, Lai, Chakma leh Assamese zirlaiten an mahni hnam inthuama inthuamin hnam lam leh zai te an entir bakah Mizo chhangban, kurtai leh thingpui sen ruai an buatsaih bawk.

Govt. T Romana College hi kum 1992 khan din a ni, tundinhmunah zirlai 1073 leh thawktu 58 an awm a National Assesment & Accreditation Council (NAAC) accredited college ah grade ‘B’ dinhmunah an awm a ni.