BJP Mizoram Pradesh-in Upper Republic-a an Party Pisa-ah vawiin khan Booth Management & Political Training an buatsaih.

0
272
views

He inkhawm hi BJP State Secretary, Pu R. Vanramchhuanga’n a kaihruai a, chawhma lamah State General Secretary (Organisation), Pu Vanlalhmuaka’n Organisational set-up and Booth Management tih Paper a buatsaih an zir hova, Mizoram chu BJP-in ram puma Sorkar-na a siam theihna tura an ‘Last Agenda’ a ni tih sawiin, Mizoramah BJP kaihhruaina sorkar a ding ngei dawn niin a sawi a. Hemi a hlawhtlin theih nana inbuatsaihna tur thil \ul hrang hrang te, Booth leh District Level-a hmalak dan tur te a hrilhfiah a ni. Pu Vanlalhmuaka chuan, mi tam takin BJP-in Mizoramah seat hnih khat bak nei lo tur anga an sawi \hin chu an hriat loh vang nia sawiin, inthlan hunah chuan Pathian chakna ringin mi rinphak bakin MLA an nei dawn niin a sawi.

Chawhnu lamah chuan State General Secretary (Administration) Pu H. Ramthansanga’n Party inkaihruaina-a Admistration kalphung dik hman a pawimawhna paper a buatsaih an zir hova, Full Time Worker leh District Incharge-te chu State hotute hnena Weekly Report ti thleng \hin tura chahin, kartin report chu hmasawnna tur leh hmalak lehzel dan tur kawng kawhhmuhtu a nih dawn avangin a bul\hut a\angin theih tawp chhuah a \ul tih a sawi. He Training-ah hian BJP Mizoramin inthlanpui a hmachhawn dan tur leh chakna an chan theih nana beihpui an thlak dan tur zirtir a ni a, District tina Full time a hnathawktu te, District Incharge leh State hruaitu te an tel a ni.