BJP Mizoram Pradesh Media Department Chiarman, Pu Lalrozara’n Congress in NLUP a sem chu vote zawnna liau liau niin a sawi.

0
389
views

Vawiina Aizawl Press Club-a thuthar lakhawmtute a kawmnaah he thu hi a sawi a, NLUP atan tun dinhmunah sum sem tur an nei tawh lo nia sawiin, High Court-a a khingtute chu inhnuk dawk tur leh sem tur an nei a nih chuan sem chhunzawm tir tura an duh thu a sawi. NLUP chu a tira ruahman dan chuan kum 2010 a\anga 2015 chhunga kalpui tur a tih a ni a, vote zawnna atana an duh avangin NLUP-NEDP tih vuahin an sem niin a sawi a, tun hnaia Congress party zawm thar nia an sawite chu NLUP dawng tura an thlem deuh vek nia sawiin, tunah hian a sem tur sum an nei tawh lova, February thlaa an party-a an lawmluh 32,000 te chu cheng sing 5 \heuh pek an tiam a, hei hi avaiin cheng vbch 160 tur a ni a, hei pawh hi tun thlengin an la pe thei ta lo niin a sawi. Pu Lalrozara chuan, NLUP sem dana thil dik lo awm nia sawi vanga mi\henkhatin High Court-a an khing chu an khin chhan chiang takin hre lo mah se, Court Order hian sum sem tur nei tawh lo Congress Party chu chhuanlam tur \ha tawk a neih tir phah nia sawiin, Court-a NLUP khingtute chu inhnukdawk tur leh sem tur an nei a nih chuan sem tir tura an duh thu a sawi a, sum sem tur hi an nei lo a nih pawhin BJP Party hnehah thlen se, sum sem tur hi an ngaihtuahpui tur thu a sawi bawk.

BJP Media Department Chiarman chuan, NLUP chu inkaihhruaina mumal awm lo nia sawiin, a thlangtu tur ruat bik a awm lo a, hemi vang hian NLUP Implementing Board Vice Chairman, Pu JH Ro\huama MLA chuan an party MLA 34 bakah an Candidate hlui 4 leh an bial viltu mi 2 hnenah an bial chhung \heuha NLUp dawng tur mi 400 thlang turin a hriattir niin a sawi a. Hei hian NLUP chu a kalphung a dik lo tih leh Congress Party hian Vote zawnna atana chauh an hmang tih a lantir chiang hle niin Pu Lalrozara chuan a sawi a ni.