BJP President, Pu Amit Shah a’n naktukah lehlangin Aizawl a tlawh dawn a, Upper Republic-a an party office, Atal Bhawan a hawng ang a, hemi hnu hian Mualpuia R. Deng\huama Multipurpose Hall-ah an party hnathawktu, Booth Level Worker’s Meet hmanpuiin, November ni 28-a Mizoram Assembly inthlanna neih tur atana an party campaign a hawng ang.

0
206
views

 

Pu Amit Shah hian naktuk chawhma dar 10:30 Lengpui |umhmun a lo thleng ang a, chuta \angin |huampui Helipad a pan ang a, chuta \ang chuan Upper Republic-a an party office a pan ngil nghal ang a, an party office, Atal Bhawan tia hriat a hawng dawn a ni. Hawnna inkhawm neih zawhah Mualpuia R. Deng\huama Multipurpose Hall a pan ang a, hetah hian Booth Level Worker’s Meet-ah thu a sawi dawn a ni. Booth Level Worker’s Meet hi khaw hrang hranga an party hruaitu mi 10 vel \heuh thlan chhuahte fuihna leh campaign dan tur chungchanga kaihhruaina a ni dawn a, Mizoram pumah mi singkhat vel tel turin an beisei niin an party hruaitute chuan an sawi a ni. Pu Amit Shah hi hmarchhak biala an party hruaitute leh Central lama hruaituten an \awiawm dawn a, R. Deng\huama Multipurpose Hall-a inkhawm neih zawh tlai dar 3 hnu lamah |huampui Helipad a\angin Helicopter-in Lengpui |umhmunah a let ang a, heta \ang hian New Delhi lam panin a haw leh dawn a ni.