Tlabung MZP Sub. Headquarters-in an khaw panna kawng, National Highway No. 302 siam mektu contractor pathum zinga pakhat, GP Project Ltd. lakah thubuai an thehlut.

0
214
views

Tlabung a\anga thudawn danin, Tlabung leh Lunglei inkar kawngpui, National Highway No. 302 hi Conractor 3-in an siam\ha mek a, heng zinga pakhat, GP Projects. Ltd-in sum an sen tawh zat nia an sawi cheng nuai 480 leh an hnathawh dan chu a inmil loa ni hriain, Tlabung MZP-te hian Anti-Corruption Bureau-ah thubuai hi an thehlut a, GP Project Ltd.-ten sum an hman tawh zat an tarlan chungchang chu chhui chian sak turin an ngen a ni. Tlabung MZP president, P. Vanlallawma chuan, RTI Act hmanga an zawhna GP Projects. Ltd.-in a chhan danin an hnathawh tur zaa 36 zo tawh anga an inchhal leh, tun thlenga kawng thawm that nan cheng nuai 480 chuang seng tawh nia an insawi chu tuna kawng dinhmun enin awih chi a nih loh thu an sawi a, mipui bum tum nana dawt sawiah puhin, he hnathawh viltu Lungleia PWD Highway Division chu GP Projects Ltd. ngam loah a puh a ni.

Tlabung MZP te sawi danin, kawng hi kumin December 21 hmaa siam zawh tur a ni a, heti chung hian lirtheia kal hleih theih lohna a la tam hle a ni.