Breaking News | PM-in CM-te a kâwm, lockdown chawlhkar hniha pawhsei rawtna a lian hle

0
861
views

Vawiin khan PM Narendra Modi-a’n state hrang hrang CM a kawm a, CM tam zawk chuan chawlhkar hnih tal lockdown pawhsei an rawt a, hei hi ngunthluk taka ngaihtuah tur a ni tih Sorkar laipui thupuangtuten an sawi.

CM hrang hrang a kawmnaah PM Modi chuan chawlhkar 3-4 chhung hian hrilêngin ram a nghawng dan kimchang zawka an hriat theih tur thu leh tunhnaia medical lama hnathawkte leh hmarchhak lam state mi leh Kashmir mi ṭhenkhatin an nihna avanga harsatna an tawk chu pawi a tih thu te leh hetiang inbeihna lam rawng kai reng reng a dem thu leh khauh lehzualin inthliarna lam rawngkai reng reng chu dawnsawn a nih tur thu te a sawi bawk a, nitin mamawh leh damdawi ramin a ngah tawk rih thu leh dik lo taka sum peipun lo tumte leh thil chhek ru reng reng na taka hrem an nih tur thu CM-te hi a hrilh bawk a ni.

Hetih lai hian thuthar lakna ṭhenkhat leh state hrang hrang sorkar mi pawimawh ṭhenkhat chuan lockdown hi chawlhkar hnih chhung pawhsei a ni ngei dawn niin an tarlang tawh a, amaherawhchu, lockdown kal zel dan tur hi sorkar laipui lamin thu a la chhuah loh avangin thu thar ngaihchan mek reng a ni.