Chakma Autonomous District Council inthlanna tun thla ni 20-a neih turah seat 20 inchuh turin candidate 66 an awm. Mizoram State Election Commission a\anga thudawn danin Inhnuhdawh theihna hun hnuhnung ber chu vawiin tlai dar 3 khan ral mahsela, inbiakpawhna \hat tawk loh avangin candidate ding tlang tur zat dik tak a la hriat theih loha, candidate 66 zinga 20 te chu Congress candidate an ni a, BJP leh MNF ten candidate 19 ve ve an nei a, Independent-a ding 8 an awm bawk. Hetihlai hian 18 Fultuli Constituency-a Congress Candidate, Pu Kali Kumar Tongchangya chu chuhtu awm lovin a tling thei dawn nia hriat a ni a, he Constituency-a amah khingtu awm chhun MNF candidate chuan Nomination a file-naah thiltih sual a neih avangin a nomination paper pawm theih a ni lova, chuhtu awm lova Pu Kali Kumar Tongchongya tlin thu chu thil tihfel tur te tihfel a nih hnuah Returning Officer chuan a la puang dawna beisei a ni. Puan tawh angin seat 20 awmna Chakma Autonomous District Council inthlanna hi tun thla ni 20-ah neih a ni dawn a, vote tla te hi ni 24-ah chhiar a ni ang a, inthlanna pumpui hi ni 28-ah zawhfel a ni ang.
