Mizoram People Forum (MPF)-in vawiin khan Congress Bhavan tlawhin, Political Party hrang hrang nena thawh hona thuthlung an siam chu vawng nung turin an ngen a. He inkhawma thusawitu, MPF General Secretary, Rev. Dr. R. Lalbiakmawia chuan, tun dinhmuna Mizoram Politics kalphungah ram hmangaihna tak tak a tlahniam nia a lan avangin Politics kalphung chu thlak danglam a ngai a ni, a ti a. Party chhungah induhsakna a nasa a, Party miten Contract an thawk \hin avangin thim \ha lo zawk a thleng palh thei a, uchuak taka induhsak bikna chuan khawtlang a nghawng a, hei hian ram pumpui a tihchhiat theih avangin Party induhsakna chu \hiah a ngai tih a sawi. Rev. Dr. R. Lalbiakmawia chuan, vawiin Congress Bhavan an tlawh chhan chu inthlan kaihhnawiha Political Party hrang hrang nen thawh hona thuthlung an siam chu tihhlawhtlin a nih theih nana hmalakna chikhat a nih thu leh hetiang Programme hi karleh thawh\an hian ZPM Pisa-a neih leh tum a nih thu a sawi a. Hetianga MPF general Headquarters-in Political party hrang hranga hma a lak ang hian Local Forum pawhin Unit, Group leh Block level-ah an thuthlung a hlawhtlin theih nan hma an la ve reng tih a sawi. He inkhawm hi MPCC general Secretary, Pu K. Lalnunmawia’n a kaihruai a, mipuiten an thil hriatthiam loh leh zawhna hrang hrang an neihte chu MPF hotuten an hrilhfiah nghal a ni.
