Thuchhuah an siamah ZPM \halai chuan CAG report behchhan-a phailam chanchinbu pakhat tarlan danin Tanhril-a Central Jail tih changtlunna atan DoNER Ministry chuan kum 2014 December ni 29 khan Rs. vbch. 13.07 pek a remti a. Hna hi sum pek a\anga thla 36 chhunga zawh tur niin, sum hmuh tur a\anga Rs. vbch. 9.42 chu kum 2014 December ni 30 leh kum 2016 November ni 16-ah hmuh a ni a. He hna thawk tur hian Mizoram Sorkar chuan tuna MNF kaihhruai sorkar-a Minister ni mek Pu Robert Romawia Royte enkawl North East Consultancy Services (NECS) nen inremna an siampui a. He inremna ang hian Mizoram sorkar chuan kum 2015 May ni 25 a\anga kum 2017 October ni 13 chhungin Rs. vbch. 10.46 chu IG (Prison) hnenah a pe a. Hna hi thla 36 chhunga zawh tura tih a nih laiin, kum 2015 June ni 23 a\angin thawh \an chauh a ni a, hnathawh zawh hun tura tih a\anga kum 1 chuang hnuah pawh thawh zawh a la ni lo a. CAG Report a\anga alan danin hnathawh dan tur ruahman kalha thawh engemaw zat a awm tih hmuh tarlan a ni.
ZPM |halai chuan, CAG report a\anga a lan danin Tanhril-a Central Jail tihchangtlunnaah hian dan kalha thiltih a tam hle nia an hriat thu leh he thilah hian eirukna lian tak a awm ni ngeia a lan thu an sawi a. He hna kalpui a nih laia Home Minister, tuna MNF kaihhruai sorkar-a P&E Minister ni mek Pu R. Lalzirliana leh NECS neitu, Sports Minister nimek Pu Robert Romawia Royte hnuaia hetiang thil a thleng hi pawi an tih thu sawiin, ram hruaitu ni tlak lovah leh innghahna tlak lovah ZPM \halai chuan a ngai a, hemi chungchangah hian a rang thei ang bera an insawifiah an phut tih an sawi.
