He thupek hi Dec ni 29, 2018-a hman \an a ni a, February 1 atanga a taka kalpui \an tur a ni. Zonet pawhin sorkar thupek angin Monthly Fee kalphung a tih danglam ve a ngai ta a. TRAI-in channel man leh pek chhuah dan kaihhruaina a siam hnuaiah, Mizo mipuite en duh tlanglawn lakhawmin, Channel Bouquet/Pack pahnih- Rs. 250 man Standard Pack leh Rs. 400 man Gold Pack siam a ni a, heng bakah hian Add-On pack a awm bawk. February ni 1 a\anga hman \an tur a nih avangin tuna package hmanlai, SD leh HD Package chu January 31 zanlaiah a thi vek dawn a, chuvangin January thla chhungin mahni en duh tur thlanfel a, chumi mila fee pek tawh mai tur a ni a, Fee hi pre-paid a kalpui a ni ang.
Channel thlanna tur Brochure leh Channel list chu veng tin bialtu, Distributor-te’n January thla fee an khawnpahin an rawn sem nghal ang a, zawhfiah duh nei chuan Distributor-te hnenah emaw, Zonet Office-ah emaw zawhfiah theih reng a ni e. Channel Package leh a man hi Zonet website: www.zonet.in -ah entheiha dah chhuah thuai a ni bawk ang.
