Vawiina Police Headquarters G.S. Arya Mess-a Police hotute nen an inkawmnaah he thu hi a sawi a, Home Minister chuan, duty laia zu rui te chu dim an ni dawn lo tih sawiin thawktu, a lu ber a\anga a te ber thlengin an hriselna ngaipawimawh turin a beisei dawn tih a hrilh a ni. Home Minister chuan, Police zingah dulkiar an tam chu a vei thu a sawi a, \ha taka an duty an hlen theih nan an taksa chu dah fit reng tura a duh thu sawiin mahni inthunun thei mi ni turin a chah a, Sr Officer te chu mipuite dinhmun hrethiam chunga hma la \hin turin a chah a, thawhchhuah loh pawisa awt lo tur leh ramchhung chauh ni lo khawvel hriattham khawpa Police \ha ni tura intuai hriam turin a fuih a ni.
Mizoram Police te chu sorkarin zu zawrh khap a tumna kawngah hmalatu tur pawimawh tak a nih dawn avangin uluk taka an in buatsaih a ngai tih Home Minster chuan a sawi a, quarters indaihlohna leh hmeichhe police tlem vanga harsatna awm \hinte chu a tul anga bawhzui anih tur thu a sawi bawk.
Inkhawm hi IGP, PHQ Pu John Neihlaia’n a kaihruai a, IGP Law & Order Pu LH Shanliana’n thu a sawi bakah Officers kalkhawmten an hmalakna leh an hrsatna neih te an sawi ho nghal a ni.
