Central YMA Executive Committee in kumin Krismas leh kum 2019 kumthar vuakvetah halpuah leh halmawi khap nise tiin rawtna a siam

0
243
views

Central YMA Executive Committee in kumin Krismas leh kum 2019 kumthar vuakvetah halpuah leh halmawi khap nise tiin rawtna a siam. Hemi chungchanga thutlukna hi Central YMA Executive Committee, an President, Pu Vanlalruata kaihhruaia vawiin chawhnua Tuikhuahtlanga an office-a \hukhawmin a siam a, an rawtna hi Mizoram sorkar hotute pawh sawipui vat ni se an ti a, Mizoram pumah YMA Branch hrang hrang hotute pawh halpuah leh halmawi khap chungchanga chak taka hma la turin ngen an tum a ni. He meeting hian Mizoram pum huapa YMA Rorel Inkhawm kumin October ni 19-a Vanapa Hall-a neih tura mawh phurhna changtu tur Committee hrang hrang a ruat bawk a ni. CEC Meeting-ah hian Central YMA hnuaia hnathawktute hlawh leh Service zirchiang tura Committee dinin report leh rawtna a siamte chu sawiho a ni a, CEC Meeting neih leh huna ngaihtuah zuiah dah a ni.