Central YMA hnuaia Kumpuan Committee-in Zirna Uar tura mipuite fuih thei tur, Video clip siam intihsiak a buatsaihah North Vanlaiphai Rahsi veng branch-in lawmman pakhatna an dawng.

0
63
views

Lawmman dawngtute hi vawiin khan Central YMA Hall-ah puan a ni a, lawmman pahnihna chu Kolasib Tumpui Branch YMA in dawngin Ramhlun South Branch chu pathumna an ni a, lawmman dawngtute hian thuziak leh tangkafai an dawng a ni.

Central YMA President Pu Vanlalruata chuan, tun hmaa zirna uar tih kumpuana lo hman tawh thin chu Mizoramin a sawtpui nia a hriat thu a sawi a, ram leh hnam dingchhuak turin thiamna neih a pawimawh a, thiamna leh finna zawnga Mizo thlaite an thawhrim a tul a ni a ti. Inkhawm kaihruaitu Central YMA kumpuan Committee Chairman Pu Lalhmachhuana chuan, hri leng avangin hun rei tak zirna in te khar ni tawh mahse, zirlaite chu inthlahdah lova a theih ang anga lo inzir turin a chah a, Central Service lakna tur exam buatsiah thut a nih pawha hmachhawn thei tura inbuatsaih turin zirlaite leh thalai te a chah a ni.