Central YMA hnuaia ruihhlo dotu pawl, Supply Reduction Service (SRS)-in kumin July thla a\anga October thla tawp thleng khan ruihhlo leh a kaihhnawihah mi 633 an man a, an zinga mi 88 te chu home-ah dah an ni.

0
355
views

 

SRS duty-te hian nizan khan thuthar lakhawmtu \henkhat nen Aizawl khawpui chhung hmun \henkhatah ruihhlo ti \hin leh hmeichhe awm \ha lo duh lote an vai a, hetah hian mi engemawzat manin, heng mite hi Tuikhuahtlanga Central YMA Hall-ah lak an ni a, an harsatna leh mamawhte zawhfiahin, puih an ngaihna zawnah \anpui an ni a. Damlo harsatna neite chu damdawi in lam panpui niin, Police leh Excise kuta hlan ch ruihhlo kawl leh rui te pawh Police kutah hlan an ni a, Synod-in Central YMA hnena Counsellor a pek pawhin an zinga mi \henkhat chu Pathian thu hmangin an harsatna tawh chungchang a sawipui a ni.

SRS Convener, Central YMA Financial Secretary ni bawk, Pu Fabian Lalfakawma chuan, SRS hian a khat tawkin Aizawl khawpui chhunga mi awm\ha duh lo leh damdawi khawih \hinte chu khawmin an mamawh ang \anpuina an dawn theih nan hma an la \hin niin a sawi a. SRS Duty-te chu heng mite awm khawmna \hinah kalin an lakhawm a, natna leh harsatna neite chu damdawi inah hruaiin, an mamawh ang enkawlna an dawn theih nan an \anpui \hin niin a sawi. A bikin ruihhlo ngaite chu an taksa awmdan a zirin damdawi in bakah Home lamah enkawlna dawng tura dahluh pawh an nei \hin a, \henkhat chu Police leh Excise Department kuta hlan an awm \hin tih sawiin, Pu Fabian Lalfakawma chuan, Aizawl khawpui a thianghlim zel theih nan SRS chuan theihtawp chhuaha hma an lak thu leh hmalak chhunzawm zel an tum thu a sawi a ni.

Nizana SRS leh thuthar lakhawmtu \henkhatin Aizawl khawpui chhung an vai lai hian ITI Corps Salvation Army \halaite chuan Vanapa Hall kawtah Pathian thu semin, a mamawhtute tan thingpui leh chhang a thlawnin an sem a, ruihhlo ngai leh mi awm \ha duh lote chuan Pathian an hmuh theih nan an \awng\ai sak a ni. Hetiang bawk hian Mission Vengthlanga Shalom Kohhran Baptist |halaite pawh Vanapa Hall tualah hian a mamawhtute tan sawhchiar leh thingpui an sem a, an Branch |KP hruaitute chuan, tun hi hetianga \um 6 eitur an semna a nih tawh thu leh ruihhlo ngai mi 2 phei chu home-a an dah luh tawh niin an sawi a, an hmalakna chu chhunzawm zel an tum tih an sawi bawk.