Hemipuala inkhawm Central YMA Hall-a buatsaih hi an pawl President Pu Vanlalruata’n a kaihruai a, a hmanpuitu Education Minister Pu Lalchhandama Ralte chuan, chawimawi phu te chawimawi kawngah Mizo te an harhthar chho chu lawmawm a tih thu leh tun aia uar zawka kalpui zel \ha a tih thu a sawi a, chawimawina dawngtu \henkhat tlukpui an awm \hin tih sawiin, zirlai chawimawina dawngtute chu nasa leh zuala \ang turin a chah a, Mizoram leh hnam mamawh Civil Service lamah a chhanna ni tura \an la turin a chah a ni.
Pu Lalchhandama Ralte chuan, ram leh hnam mamawh chhanna ni thei te tan Mizoram Youth Commission-in Incentive Cash award a pek turin cheng nuai 40 ruahman a ni a, UPSC a tling te chu cheng nuai 2 leh, Prelim paltlang te cheng nuai 1, Mizoram Combine competitive exam-a tling te cheng nuai 1, Staff Selection-a inziak tling te cheng sing 5 leh university a topper te hnenah cheng sing 4 pek theih an ni a ti.
Pu Lalchhandama Ralte hian, ram leh hnam him nan Sorkarin education chu a ngaipawimawh hle tih a sawi a, hemi atan hian sum pawh sen a inhuam a, zirnain hma a sawn theihna tura Central YMA nen thawh hona thuthlung education Departmen nen an ziah chu a hun a tawp hnaih tawh avangin ziak leh turin department lam chu a in kau reng a ni a ti. Pu Lalchhandama Ralte hian, thingtlanga zirnain quality education a neih theih nan Sorkar pawhin hmalakna hmasaah a dah tih a sawi a, zirtirtu indaihlohna phuhrukna tura zirtirtu lak an tum pawh thingtlang lam thlira hmalakna a ni a, sorkar chu huaisen takin dan angin a kal dawn a ni a ti.
HSLC leh HSSLC top 10 an chawimawi te hi thuziak leh tangka fai cheng sang 2 \heuh an hlan a, Planning Secretary Dr Vanlalramsanga’n zirlaite fuihna thu a sawi bawk.
