Chief Minister Pu Zoramthanga’n zirlaite fuihna thuchah sawiin Pathianin mihringah thiamna leh theihna a dah vek a, hman \angkai chu mahni \heuhah a innghat a ni a ti a, tunlai thiamna in khawvel a sawr zim tawh a, \awng thiam tam a pawimawh zual hle a ni a ti. Chief Minister hian \awng dan dik zir kawngah \an la turin zirlaite a fuih a, an taksa hriselna ngaipawimawh turin a chah bawk.
Education Minister Pu Lalchhandama Ralte pawhin thusawiin zirlai Award dawngtute chu an bul\anna chauh a ni tih hre tur leh an zirzelna turah chawimawina dawng thei zel tura inzir turin a chah a ni.
Chief Minister’s Award dawngtute hi HSLC topper Lalrinnungi, St. Joseph HSS, Aizawl; HSSLC Topper (Arts) C. Lalvenhimi, Rev. Saiaithanga Memorial School, Aizawl; HSSLC Science stream-a Topper pahnih Akash Jyoti Sahoo leh Lalrintluanga Tlau, St. Paul’s HSS, Aizawl a mi ve ve te leh HSSLC Commerce Stream Topper C. Lalnunhlimi, Oikos HSS, Aizawl te an ni.
