Central YMA President Pu Vanlalruata’n khawpui chhunga branch YMA ten ILP endik beihpui an lo thlak tawh thin aia uluk zawk leh nasa zawka beihpui thlak leh a tul tih a sawi.

0
302
views

 

Ram leh Hnam Humhalh chungchanga Aizawl khawpui chhunga branch YMA te inrawnkhawmna, nizana neihah he thu hi sawiin, YMA Branch tinin ILP chhinchhiahna an neih a pawimawh hmasa a ni, a ti a. ILP lem siam ngam pawh an awm tih sawiin leh a siam \hin tlan bo mek pawh an niin a sawi a. YMA chuan ILP nei lo leh dik lo te police kuta hlan mai piah lamah, a hnu leha kalpui dan a ngaihtuah a ngai a ni a ti. YMA President chuan Mizoramah hnamdang sumdawng an lo luh theihna dan mumal a la awm lo niin a sawi a, sumdawnna lian leh changkang zawk te chu a neitu Mizo dik tak ni ngei te chu an dodal lo tih a sawi a, hnamdang Mizorama rawn sumdawng te erawh chu dodal ngam tur a ni, a ti bawk.

Aizawl khawpui chhung YMA Branch inrawnkhawmna hi Central YMA Vice President Pu R. Lalngheta’n a kaihruai a. Zawhna leh chhana hun te hmangin hmalak zel dan tur an sawiho nghal a ni