Chakma an pun chak nachhan chu Poltical Party thenkhatin vote Bank Politics an khelh vang – Pu Lalhmangaiha Sailo

0
492
views

MPC President Pu Lalhmangaiha Sailo chuan Mizoramah ngaihmawh tham khawpa Chakma an pun chak nachhan chu Poltical Party thenkhatin vote Bank Politics an khelh vang niin vawiina an Party chhung inkhawmah a sawi. Chakma tih leh ram dang mi, dan lova Mizorama pem lut tih chu thu inzawm tlat a ni tih sawiin, he harsatna sukiang tur hian theih tawp chhuaha hma lak a ngai a, mipuite pawhin vote an thlak rualin ram tana tha lo thlen theitu an ni em tih an inzawh chian a ngai niin a sawi. Pu Lalhmangaiha Sailo chuan an Party dintu, Brig. T Sailo hun lai atangin an Party chuan Mizorama dan lova awm Chakma-te thenfai kawngah hma a lo la tawh nia sawiin, ram leh hnam humhalhna kawnga an party chuan ke a pen zel dawn a ni tih sawiin, nakkuma Assembly inthlanpui lo awm turah pawh Mizoram siamthat duhtute nen pheikhai rual takin ke an pen ho dawn nia sawiin, mipuite beisei sorkar thar, mipui sorkar din ngei an tum tih a sawi a ni.