Chakma Autonomous District Council-a sorkar thar siam dan turah thuchiang ala awm rih lo

0
245
views

Chakma Autonomous District Council-a sorkar thar siam dan turah thuchiang ala awm rih lova, Autonomous District Council-ah hian MDC-te party danga an inleh theih dan a awm avangin tuna buaina awm mek chu chinfel a harsa nia thudawn a ni. Zonet zawhna chhangin, District Council and Minority Affairs Department hotute chuan, Mizorama Autonomous District Council 3-a MDC-ten a thlang tlingtu Party an chhuah san theih lohna tur dan, Anti Defection Law ang chiah dan nei ve lo mah se, hetiang zulzui hian Party dan zawm lo member-te hrem theihna dan chu an nei hlawm niin an sawi a. Autonomous District Council te chuan an mahni siamchawp, Constitution and Conduct of Business Rules an nei hlawm a, Chakma Autonomous District Council bikah chuan Constitution and Conduct of Business Rules hnuaia dan 12-na in a sawi angin, MDC tupawh inthlannaa an mahni sponsor-tu Party chhuah san a, Political party dang zawm emaw Party thar din emaw chu member an nihna a\anga paih theih an ni a, hetih rual hian Party dang zawmtu MDC-te chu member awm zawng zawng a\anga hmun 3-a \hena hmun 1 an tling a nih chuan member an nihna hlihsak theih a ni lo thung. Independent-a MDC atana thlan tlinte chu Political Party-a an inchhunglut a nih chuan member an nihna hlih sak theih a ni thung a, hetih rual hian Party-a lut kher lova pawn lam a\anga thlawp chu phalsak an ni thung a ni. Hetiang bawk hian Autonomous District Council dang Mara leh Lai District Council-te pawhin anmahni duan Constitution and Conduct of Business Rules hi an nei ve bawk a, an danah hian member-te chu party danga an inleh theihna dan siam tel a nih avangin Party mal-a sorkar siam thei an awm loh chuan sorkar siam kawngah harsatna a thleng thei \hin a ni.