Chakma Autonomous District Council-ah BJP leh Congress MDC tangho te leh MNF MDC ten Sorkar an siam theih thu an sawi ve ve avangin sorkar siam tur hi Floor Test hmanga tih chian a ngai dawn nia hriat a ni

0
315
views

Chakma Autonomous District Council-ah BJP leh Congress MDC \angho te leh MNF MDC ten Sorkar an siam theih thu an sawi ve ve avangin sorkar siam tur hi Floor Test hmanga tih chian a ngai dawn nia hriat a ni. District Council and Minority Affairs Department hotute hnen a\anga Zonet thudawn danin, BJP leh Congress \angdun leh MNF in Sorkar an siam theih thu an thlen chu vawiin hian Larsap hnena thehluh hman beisei a ni a. Tunhnaia BJP member, Pu Shanti Jiban Chakma kaihhruai BJP leh Congress \angrualin sorkar an siam theih thu an hriattirnaah an inhmuhkhawmnaa telte hming ziahna chauh an thehlut tel a, thawh ho an remtihna, Declaration Certificate an thil tel loh avangin member zawng zawngin thawh ho an remti tih lantirna lehkha, an hming ziah hnan ngei thehlut \ha leh tura tih an ni a, hei hi an tihfel hunah member 8 nei MNF-in Party mala member ngah ber an nih anga sorkar siamtu tur an nih thu an thlen chu vawiin hian Larsap hnenah thlen hman beisei a ni tih an sawi. DC&MA Department hotute chuan, BJP leh Congress \angdunin sorkar an siam theih thu leh Congress member-ten BJP an thlawp thu an hriattirnaah Congress member-te hming chiah ziah lan a ni, hetah hian BJP member-te hming ziah lan ve ni lo mah se, pawm sak an ni ta tho niin an sawi a. Tun hnaiah member 8 neitu MNF-in sorkar an siam theih thu an thlen ve leh tak avangin Sorkar siam tur hian Floor Test neih a ngaih tur thu vawiina Larsap hnena an lehkha thehluhah tarlan tel a ni tih DC&MA hotute chuan an sawi. Puan tawh \hin angin, Chakma Autonomous District Council inthlan result April ni 24-a puan takah Party mala sorkar siam thei an awm lova. Result puan ni hian member 8 nei MNF leh member 5 nei BJP chuan an thawh dun tur thu an puang a. A tuk April ni 25-ah BJP MDC-te chuan member 6 nei Congress nen an tawh dun zawk tur thu an puang leh, tunah hian sorkar siam dan tur an buaipui mek a, hetiang a nih lai hian member 8 nei MNF chuan Party mala member ngah ber an nih angin Sorkar siamtu tur an nih thu thuneitute hnenah an thlen ve bawk a ni.