Chakma Autonomous District Council-ah BJP nen tangdunin Sorkar an siam dawn tih MNF President, Pu Zoramthanga’n a puang

0
539
views

Chakma Autonomous District Council-ah BJP nen \angdunin Sorkar an siam dawn tih MNF President, Pu Zoramthanga’n a puang. Vawiina CADC inthlan Result puan zawha thuthar lakhawmtute a kawmnaah Pu Zoramthanga chuan, Congress Party chu thawhpui tlaka an ngaih loh thu a sawi.

Pu Zoramthanga chuan, CADC inthlannaa an party Result-ah an lawm hle tih a sawi a, BJP nen thawk duna Sorkar an siam turah Party lian zawk an nih angin dinhmun \ha zawk an chang tur nia a ngaih thu a sawi a, va chuh erawh an tum loh thu sawiin, an party leh BJP party MDC \hukhawmin an rel fel mai tur a nih thu a sawi.

Mizoram State BJP President, Prof. JV Hluna’n, Chakma Autonomous District Council-a sorkar siam turin Congress Party chuan thawh hopuiah an sawm nghal niin a sawi. Congress sawmna hi Central lama an hotute a biakrawn hnuah Congress thawhpui chu an rem tih loh thu an hriattir nghal tih a sawi a, an hotute remruat angin MNF Party nen an thawk ho dawn tih Zonet a hrilh.

Prof. JV Hluna chuan, CADC-a an result chu duhthusam ni lo mah se, an Party tan chuan hmasawnna nasa tak a nih thu pawh a sawi.

 

Chakma Autonomous District Council inthlan Result hi vawiin khan chhiar a ni a, Party mala sorkar siam thei an awm lo a ni. He inthlanna vote tlate chu tukin dar 8 a\ang khan Chawngte SDO (Civil) Office-a Counting Hall pahnih siamah chhiar \an a ni a, a pumpuiah MNF-in seat 8, Congress-in seat 6 leh BJP in seat 5 an la a, Fultuli bialah erawh MNF candidate nomination paper hlawl hnua a khingpui Congress Candidate chuhtu awm lova tling a puanna chu Gauhati High Court, Aizawl Bench in a stay rih avangin inthlanna neih a ni rih lo a ni. Borapansury I-ah MNF Candidate, Pu Rasik Mohan Chakma chuan vote 654 hmuin tlinga puan a ni a, Borapansury II-ah chuan vote 802 hmutu BJP Candidate, Pi Kusum Lota Chakma, Chhotapansury-ah vote 455 hmutu BJP Candidate, Pu Shanti Jiban Chakma, Bajeisora-ah vote 663 hmutu BJP Candidate, Pu Anil Kanti Chakma, Kamalanagar North-h vote 1,004 hmutu MNF Candidate, Pu Durjya Dhan Chakma, Kamalanagar South-ah vote 431 hmutu MNF Candidate, Pu H. Amaresh Chakma, Kamalanagar West -ah vote 413 hmutu BJP Candidate, Pu Sanjeev Chakma, Udalthana-ah vote 752 hmutu Congress Candidate, Pu Ajoy Kumar Chakma, Ugudasury South-ah vote 653 hmutu MNF Candidate, Pu Pranab Kumar Chakma, Mondirasora-ah vote 345 hmutu Congress Candidate, Pu Onish Moy Chakma, Ajasora-ah vote 541 hmutu, MNF candidate, Pu Mohesh Baran Chakma, Maniabapsora-ah vote 569 hmutu MNF candidate, Pu Uday Tongchangya, Vaseitlang-ah vote 629 hmtu, Congress Candidate, Pu Buddha Lila Chakma, Longpuighat-ah vote 568 hmutu MNF Candidate, Pu Lakhi Dhan Chakma, Rengkashya-ah vote 611 hmutu, Congress candidate, Pu Amit Kumar Chakma, Damdep-ah vote 740 hmutu BJP candidate, Pu Hirananda Tongchangya, Jaruldubasora-ah vote 551 hmutu MNF Candidate, Pu Lakkhan Chakma, Devasora South-ah Vote 413 hmutu Congress Candidate, Pu Bubon Kumar Chakma leh Parva-ah vote 813 hmtu Congress Candidate, Pu Mohan te tlinga puan an ni.

Puan tawh angin CADC inthlannaah hian tun thla ni 20 khan MDC bial 19-a polling station 66-ah vote thlak a ni a, a pumpuiah vote nei mi 29,444 a\angin mi 27,038-in vote an thlak a, vote tla hi zaa 91.83 a tling phak a ni. He inthlanaa inhnehna sang ber Parva-ah chuan Congress Candidate, Pu Mohan-a’n amah hnaih bertu BJP candidate, Pu Prityrup Chakma chu vote 314-in a hneh a. Inhnehna hniam berah Mondirasora bialah chuan Congress candidate, Pu Onish Moy Chakma-a’n BJP candidate, Pu Lokhi Dhan Chakma chu vote 6-in a hneh a, Borapansury-II a\anga thlan tlin BJP candidate, Pi Kusum Lota Chakma chu hmeichhe tling awm chhun a ni.

He inthlanna atana Vote thlak hi tun thla ni 20-ah daih tawh neih ni mah se, kawng chhia vangin Vote thlakna khawl, EVM te chu Pathianni chawhnu dar 1:15 khan Strong Room-ah dah kim theih a ni chauh a ni a, hei hi uluk taka ven niin, tukin dar 8 khan vote tlate hi chhiar \an a ni.