PWD Minister, Pu Lal Thanzara chuan Sesawng leh Khawruhlian inkara Tuirini lei dawh hna thawh mek nimin khan a hmunah a en

0
479
views

PWD Minister, Pu Lal Thanzara chuan Sesawng leh Khawruhlian inkara Tuirini lei dawh hna thawh mek nimin khan a hmunah a en. Minister hi PWD Engineer-in-Chief, Pu R. Vanlaltluanga, Chief Engineer Highway Pu K. Lalsawmvela leh PWD Officer dangten an \awiawm a ni. Tunah hian he lei innghahna tur lui kuang chhunga ban lian, Pier chhun mek a ni a, a san zawng tur anga chhun fel a nih hunah Chhingchhipa bailey bridge dawhna hmanraw hlui lak thlak hmangin Double Double Reinforced bailey bridge, motor tone 20 phur dawl zo tur dawh a ni dawn a, lei dawhna tur thir hi Chhingchhip a\anga lak thlak zawh vek a ni tawh a ni. Tun dinhmunah hnathawh lai te chu lui kuang chhunga lei dotu tur banpui, Pier chhun hna te, luikam sir Sesawng lamah lei innghahna tur abutment siam hna te a ni a, lei innghahna tur abutment siam hna leh lei banpui siam hna te hi May thla chhung ngeia zawhfel vek a, chumi hnuah lei dawh hna thawh zui tur a ni ang a, lei dawh hna hi PWD Mechanical Division-in a thawk dawn a ni. Hetihlai hian tuna lei dawh laia hman lai lawk tur lei chhak lama lui kaina tur lei dawh pawh tui tam deuh huna hman zui theih turin lui laiah tui luan liamna tur hume pipe a inchher chhuana dah a ni a, lei dawh chhung a rei deuh pawhin he lei hman lailawk tur dawh hmang hian hun rei deuh chhung lirthei tlan kai tir theih tum a ni.