Chakma Autonomous District Council-ah Sorkar thar piang thei rih lo mah se, Council thutkhawm hmasaber atana ruat lawk May ni 4-a chu pawhsei a ni dawn lo

0
270
views

Chakma Autonomous District Council-ah Sorkar thar piang thei rih lo mah se, Council \hutkhawm hmasaber atana ruat lawk May ni 4-a chu pawhsei a ni dawn lo tih State Election Commission hotute’n Zonet an hrilh a. Sorkar thar pian hnua Council \hutkhawm hmasa ber chu an Term chhiar \anna atana hman a nih avangin an \hutkhawm hun tur hi ruatsak an ni \hin nia sawiin, hei hi zawm ngei ngei tur tihna lam a ni lova, an Sorkar Term in\anna a nih avangin a hun hi ruat sak an ni \hin mai niin an sawi. State Election Commission hotute chuan, CADC Sorkar thara Council \hutkhawm hun hmasa ber atana tun thla ni 4 ruat lawk chu an \hukhawm hman lo a nih pawhin harsatna a awm chuang lova, Sorkar thar an siam theih hun huna an \hutkhawm hmasa ber chu an Term bul \anna atan chhiar sak an ni mai dawn niin an sawi a ni. SEC hotute chuan, Gauhati High Court a\anga lehkha an dawn ang chuan Fultuli Bial thubuai chu tun thla ni 14 hian Court-in a ngaihtuah dawn niin an sawi a, he bial buaina chungchangah hian Court-in thutlukna a siam hma chu tih theih an neih loh thu leh an ni chuan Court thutlukna ang anga hma an lak chhunzawm tur thu an sawi a, Court-in inthlang \ha tura a tih chuan inthlan an buaipui mai dawn niin an sawi a ni.