Chakma Autonomous District Council inthlanna neiha BJP member 5 leh Congress member 6 ten United Legislature Party an dinin hruaitu tura an thlan Pu Santi Jiban Chakma-an sorkar siam thei nia a insawi chu Larsapin a pawmpui

0
467
views

Chakma Autonomous District Council inthlanna neiha BJP member 5 leh Congress member 6 ten United Legislature Party an dinin hruaitu tura an thlan Pu Santi Jiban Chakma-an sorkar siam thei nia a insawi chu Larsapin a pawmpui. ZONET zawhna chhangin District Council & Minority Affairs Secretary, Pu Rodney L Ralte chuan member 20 awmna, Chakma Autonomous District Council-a United Legislature Party-in sorkar siam theia a insawina lehkha hi Larsapin a pawm fel hnuah hemi chungchangah hian sorkar chuan vawiin chawhnu khan hriattirna a chhuah a ni. Hetihlai hian ZONET thudawn danin member 8 awmna, MNF Legislature Party CADC-a Pu Rasik Mohan Chakma-a kaihhruai sorkar siam thei nia an insawina lehkhaah amah thlawptu member tam tawk hming thil tel a awm ve loh avangin he lehkha hi pawm theih a ni ta lo a ni. BJP Mizoram Pradesh hruaitute chuan ZONET zawhna chhangin CADC-a BJP kaihhruai United Legislature Party sorkar lakluh hun tur hi tun dinhmunah hriat theih la ni lo mah se, a la lut tu tur Lawngtlai Bawrhsap chu hriattir a nih tawh avangin hun reilote chhungin a lakluh beisei niin an sawi a ni.