Lakluhna inkhawm Chawngte Circuit House tuala inkhawmah Pu Rashik Mohan Chakma hi Lawngtlai Bawrhsap, Pu N. Chakhaiin rinawmna thu tiam tirin a la lut a ni. Pu Rashik Mohan Chakma hi MNF Legislature Party hruaitu atan an Party MDC 11 ten tunhnai khan an thlanga, hemi hnu, tun thla ni 18 khan BJP kaihhruai sorkar CEM Pu Shanti Jiban Chakma chu House chhungah rintawk lohna motion hmanga paih a ni a, hemi hnu hian Pu Rashik Mohan Chakma Chief Executive Member ti tura rawtna Larsap hnena lut chu Larsapin a pawm hnuah Chakma Autonomous District Council-ah hian MNF sorkar Pu Rashik Mohan Chakma kaihhruai a piang ta a ni. CEM thar lakluh rual hian EM lakluh an awm lova, CEM hian EM tur a thlan chhuah te Larsapin a pawmpui hnuah chauh EM te chu lakluh an ni dawn a ni. He inkhawmah hian sorkar lam a\angin Social Welfare Minister, Dr. K. Beichhua bakah MNF \halai Vice President, Pu Ramdinliana leh Mara Autonomous District Council-a MDC Pu FC Rehmo te an tel a ni.
