Passing Out Parade-a khuallian Home Minister, Pu Lalchamliana chuan thusawiin
Mizoramin a mamawh ber chu remna leh muanna boruak hnuaia hmasawnna hnathawh a ni a ti a, Police te chu remna leh muanna vawnghim tura hnathawktu an ni tih inhre renga, buaina leh harsatna karah pawh phunnawi lova an hna rinawm taka thawk turin sorkarin a beisei tih a hrilh a ni. Pu Lalchamliana chuan kum 1972-a Mizoram Union Territory a nih a\ang khan Mizoramin amahin Police a nei \an a, hei hi tihlen leh tihchak belh zel niin tunah chuan Mizoram pumah Police Station 40 lai a awm tawh a, Police te chu mipuite thlamuantu, dinhmun pawimawh tak chelhtu an nih avangin rinawm tak leh huaisen taka hna an thawh a ngai tih a hrilh a ni. He inkhawmah hian DGP Pu Balaji Srivastava pawhin thu a sawi a, Mizoram Police te chu India rama State hrang hrang Police zinga pawikhawihtu man te hremna pe tura hnathawk \ha ber zing ami an nih tih a sawi a ni. DGP hian Home Minister, Pu Lalchamliana hnenah ngaihhruina Momento a hlan a, training laia kawng hrang hranga ti \ha te hnenah lawmman sem a ni bawk. He inkhawmah hian Senior Police Officer te bakah Thenzawl khawtlang hruaitute leh Police chhungte \hahnem tak an tel a, Central YMA zaipawlin Police Anthem an sa bawk a ni.
