Inthlanna hi Kamalanagar Emergency Session-ah neih a ni a, hemi hmalama chuh duhte tana hming pek luh theihna hunah Pu Onish Moy Chakma pawhin hming a pe lut a, amaherawhchu, a inhnuhdawh leh avangin Pu Durjya Dhan Chakma hi chuhtu awm lova tlinga puan a ni. Amah hi nikum April ni 20-a CADC inthlanna neihah khan Kamalanagar North bial a\angin MNF party ticket-a thlantlin a ni.
Puan tawh angin tun dinhmuna member 19 awmna, Chakma Autonomous District Council-ah hian MNF member 7 leh Congress member 4 tun hnaia MNF zawmtute chuan MDC 11 neiin sorkar thar an siam thei tih Larsap, Kummanam Rajasekharan an hrilh a, an Legislature hruaitu atan Pu Rasik Roshan Chakma thlangin tuna he Council-a CEM ni lai, Pu Shanti Jiban Chakma chu member tam zawk thlawp hlawh tawh lo nia sawiin, bang turin an phut a ni.
