Chakma Autonomous District Council inthlanna a member thlan thar 19-te chu naktuk zing dar 8-ah Chawngte a, CADC Session Hall-ah rinawmna thu tiam tira, MDC atan lakluh an ni dawn. Lawngtlai Bawrhsap, Pu N. Chakhai in rinawmna thu tiam tirin a la lut dawna, he mi hnu hian thlantlinte Session hmasa ber neih zui a ni anga, hetah hian Chairma tur an thlang anga, thil tih fel ngai dangte an tifel dawn a ni. Lawngtlai Bawrhsap Pisa a\anga Zonet thu dawn danin CADC-a United Legislature Party sorkar thar, BJP member Pu Santi Jiban Chakma kaihhruai tur chu chawhnu dar 3-ah CADC session hall-a inkhawmah lakluh a ni ang a, hetah hian CEM thar tur, Pu Santi Jiban Chakma bakah Executive Member tur te pawh lakluh an ni dawn a ni. Puan tawh angin member 20 awmna CADC inthlanna neihah Fultuli bial a\anga chuhtu awm lova tlinga puan Congress Candidate Pu Kali Kumar Tongchongya thlantlin nihna chu Gauhati High Court Aizawl Bench-in a hrensak avangin tun dinhmunah he House-ah hian member 19 an awm rih a ni.
