Tripura relief Camp a Tuikuk awm te Mizorama laklet tur chungchangah thuthar engmah a awm rih lo tih Addl. Home Secy. Pu Lalbiakzama’n Zonet a hrilh

0
212
views

Tripura relief Camp a Tuikuk awm te Mizorama laklet tur chungchangah thuthar engmah a awm rih lo tih Addl. Home Secy. Pu Lalbiakzama’n Zonet a hrilh. Pu Lalbiakzama chuan, Tripura relief Camp a Tuikuk awm te chungchang chu Sorkar laipui Home Ministry kutah engkim a awm tawh avangin tun dinhmunah Mizoram sorkar tan hmalakna tur a awm rih lo tih a sawi a, kumin February thlaa relief Camp a meeting an neihah Mizorama laklet an nih huna hamthatna hrang hrang dawn tur MHA in a ruahman chu Camp a awm te hian an pawm theih loh thu an sawi nia sawiin MHA lam pawhin thil dang ruahmanna an neih theih tawh loh thuin Tuikuk aiawh meeting a tel te chu an hrilh ve bawk niin a sawi. Pu Lalbiakzama chuan, MHA in thil awm dan Supreme Court-ah an thlen leh phawt dawn tih a sawi a, Court thutlukna azirin hmalak dan tur chu a hriat theih leh chauh dawn nia sawiin Tripura relief Camp a Tuikuk awm te chungchang chu MHA kutah engkim a awm tawh tih a sawi. Camp atanga Tuikuk rawn let ten hamthatna hrang hrang an dawn tur MHA in ruahmanna a siam ang chuan chhungkaw tin Rs. 1,30,000/- pek an ni ang a, kum 2 chhung thla tin Rs 5000 \heuh pe in ration pawh a thlawna pek tur an ni a, hei hi Tuikuk lam hian an pawm theih loh bakah thilphut dang an siam belh zel tih Addl. Home Secy chuan a sawi.