Chakma Autonomous District Council inthlanna neih tura Fultuli bial Congress Candidate Pu Kali Kumar Tongchangya tlinga puanna, Court in a tih khawtlai chu amah Kali Kumar Tongchangya hian a khinglet dawn

0
253
views

Chakma Autonomous District Council inthlanna neih tura Fultuli bial Congress Candidate Pu Kali Kumar Tongchangya tlinga puanna, Court in a tih khawtlai chu amah Kali Kumar Tongchangya hian a khinglet dawn.

MPCC Media Department Chairman, Pu James Thanghmingmawia’n vawiin khan thuthar lakhawmtute kawmin, Pu Kali Kumar Tongchangya hi a chak ngei an rin thu a sawi a, Returning Officer-in MNF candidate nomination Paper a hnawlsak hnua High Court-a zualko dan chu fin kherek thiltih ni ngeia a lan thu sawiin, a nomination paper hi April ni 5-a hnawl sak daih tawh ni si, hemi a\anga ni 5 hnu April ni 10-ah chauh a zualko chu ruahman lawk ni ngeia a lan thu a sawi a. Hei hi a chhan chu Gauhati High Court, Aizawl Bench hi April ni 16 a\anga ni 20 chhung an chawl dawn tih MNF lam hian an hre lawk a, Court thutlukna chu Congress lamin an khinlet theih loh nan hun chep tawh hnuah lungawi lohna an thehlut ta chauh niin a sawi. Pu James Thanghmingmawia chuan, Pu Kali Kumar Tongchangya chuhtu awm lova tlinga puan a nihna High Court-in tikhawtlai rih mah se, he thilah hian MNF lam chu an chak ta tihna a nih loh thu leh Court hian a Order-ah a thutlukna chu \hiah a dil theih thu Congress candidate, Pu Kali Kumar Tongchangya a hriattir angin, tun thla ni 23-a Court hawn a nih ve leh he Order hi khinlet a nih tur thu leh chak ngei pawh an inrin thu a sawi. Zawhna chhangin Pu James Thanghmingmawia chuan, dan lam thiam mi hrang hrang an rawn kualna a\angin Fultuli bialah hian Congress candidate chu chuhtu awm lova tlinga puan zui mai theih ni dawna an hriat thu leh tuna High Court-in Returning Officer thutlukna a tihkhawtlai chhan chu an thu inchuhah MNF lam an chak tihna ni lovin, lungawi lohna thlen an awm avanga Court-in a tih tur pangngai a tih ve mai chauh a nih thu a sawi a. MNF candidate, Pu Sumir Tongchangya hian Returning Officer-in a Nomination a hnawlsakna ni lova Congress Candidate, Pu Kali Kumar Tongchangya chuhtu awm lova tlinga puan a nihna chiah a khin avangin High Court pawhin Pu Kali Kumar Tongchangya tlinga puan a nihna chiah a tikhawtlai a, Nomination a hnawlsakna lam a ngaihtuah tel loh avangin hemi chungchang hi Court-in a ngaihtuah hunah Pu Kali Kumar Tongchangya chu tlinga ala puan leh mai rin a ni tih a sawi. MPCC Media Department Chairman chuan, nimina Mara Autonomous District Council huam chhunga Village Council inthlanah Congress-in VC 56-a hnehna a chang chuan kumin kumtawpa Assembly inthlanpui neih turah Congress-in sorkarna a chang chhunzawm dawn tih a nemnghet niin a sawi bawk.