Chakma Autonomous District Council inthlanna neih tura MNF Party Manifesto MNF President, Pu Zoramthanga’n nimin khan Chawngte-ah a tlangzarh

0
450
views

Chakma Autonomous District Council inthlanna tun thla ni 20-a neih tura MNF Party Manifesto MNF President, Pu Zoramthanga’n nimin khan Chawngte-ah a tlangzarh. Hemi rual hian mi \henkhat an party zawm thar a lawm lut bawk. Manifesto tlangzarhna inkhawma thu sawiin Pu Zoramthanga chuan tun dinhmuna CADC area a boruak awm dan thlirin MNF chu sorkar siam turin mipuiten an vote tling thei dawn tih a lang niin a sawi a, Fultuli biala MNF Candidate nomination dik tawk lo a ngaia, Congress Candidate chuhtu awm lova tlinga RO in a puan chu sawiin Pu Zoramthanga chuan RO thil tih dan chu dik lo tiin High Court-ah an kala, High Court chuan an thu thehluh chu pawmin RO thutlukna siam chu a hr>ng zui ta niin a sawi a, Congress Party in CADC-ah MNF an sorkar ngei dawn tih hria in a tibuai zawng hlirin thil a ti niin a sawia, CADC sum tur cheng vaibelchhe 10 pawh Congress sorkarin a tichingpen nia sawiin hei hi chhui turin Accountant General an ngen thu leh Mizoram Larsap hnenah pawh an thlen tawh thu a sawi a, inthlanna neih turah chuan MNF an sorkar ngei dawn nia sawiin, sorkar thar lawm hunah Chawngtea kal leh ngei a tum tih a sawi bawk.