HIV hrik kaite taksaa natna awm zat chhiarna, Viral Load Count Mizorama kalpui a nih ve theih dan tur inrawnkawmna chu nimin khan Aizawlah neih a ni. He hmalakna hi Centre for Disease Control, SHARE India, I-TECH, FHI-360 leh Mizoram State AIDS Control Society \angkawpin an buaipui a, ruahman dan chuan Viral Load Count hi Aizawl Civil Hospital-a dah tur a ni a, ART Centre hrang hrang a\angin thisen endik tur chu Mumbai-a Metropolis Laboratories-in a la khawm dawn a ni. Nikum June thla a\ang khan Sawrkar laipui ruahmanna-in ram pumah HIV Test and Treat Strategy thar kalpui a ni a, he hmalakna hnuaiah hian HIV hrik kai tawh phawt chu ART damdawi ei thei nghal tura tih an ni a. Viral Load Count hi taksaa natna dotu tam zawng endikna niin, tuna hman mek CD4 Count aiin HIV hrik kaite enkawlna p>kna atana a \angkai lehzual tura ngaih a ni.
