Member 20 awmna, Chakma Autonomous District Council inthlanna, tun thla ni 20 a neih turah 18-Fultuli bialah chuhtu awm lovin Congress Candidate Pu Kali Kumar Tongchongya chu tlingah puan a ni. He biala amah khingtu awm chhun MNF Candidate Nomination Paper chu a dik tawk loh avangin Returing Officer Pu N. Chakhai chuan hnawl a ni tih a puang a, hemi hnu hian he bial Candidate awm chhun Pu Kali Kumar Tongchongya chu tlinga puan a ni ta a ni. Chakma Autonomous District Council inthlanna neih turah hian thlan tlin tawh Pu Kali Kumar Candidate 65an awm a, chungte chu – Congress candidate 20, BJP leh MNF candidate 19 ve ve leh Independent 7 an ni. Puan tawh angin Chakma Autonomous District Council inthlanna hi tun thla ni 20-ah neih a ni dawn a, vote tla te hi ni 24-ah chhiar a ni ang a, inthlanna pumpui hi ni 28-ah zawhfel a ni ang. Hetih lai hian Fultuli biala MNF Candidate Pu Sumir Tongchongya Nomination Paper dik tawk lo ti a Returnee Officer in a hnawl sak dan chu dik tawk lo tiin MNF Party chuan an lungawiloh thu vawiin khan Mizoram State Election Commission-ah an thehlut a, a \ul dan anga bawhzui turin an ngen bawk a, an ngenna chu tih hlawhtlin nghal a nih loh chuan MNF party chuan Court sang zawkah an vui vaina thlen an tum tih an sawi tel bawk a ni. Hemi chungchanga ZONET zawhna chhangin State Election Commission chuan CADC Election-a Candidate te Nomination Paper endik hna hi dan angin Returning Officer thu neihna hnuaia a awm avangin State Election Commission chuan tih theih a nei lova, MNF party vuivaina hi Returning Officer hnenah thawn a ni dawn niin a sawi a ni.
