North East Zone Cultural Centre hotute Aijal Club ah an thukhawm

0
236
views

Kumin chhunga an hmalak dan tur ngaihtuahin vawiin khan North East Zone Cultural Centre hotute Aijal Club ah an \hukhawm. Nagaland Governor, NEZCC Chairman nibawk Pu PB Acharya hova neih meeting ah hian Mizoram Larsap Lt.Gen Nirbhay Sharma leh Art & Culture Minister Pu.R. Romawia te bakah Assam, Mizoram, Arunaachal Pradesh, Manipur, Tripura, Nagaland, Sikkim leh Meghalaya aiawhte bakah sawm bik engemawzat an tel a. NEZCC Chairman Pu PB Acharya chuan India ram hmun hrang hrangah North East state te hi phochhuah a la ngai hle a, NEZCC kaltlangin hnam ziarang phochhuahna leh in unauna \ha vawnnun zel a \ul a ni a ti. Mizoram Larsap Lt.Gen Nirbhay Sharma chuan hmarchhak bialin ramdang nena ramri in\awm Km 4500 zeta thui a neih thu te, tribal 213 vel chenna anih thu te leh \awng hrang 400 chuang a awm thu te a sawi a, heng hnam ziarang hrang hrang humhalha, inhlutsak tawn bakah midangte hmuha phochhuah chu NEZCC thil tum leh hmalakna pawimawh a ni a ti. Art & Culture Minister Pu.R.Romawia pawhin thu sawiin, hmarchhak biala chengte hnam ziarang humhalh leh inpumkhatna tura NEZCC hmalakna chuan rah \ha a chhuah mek a ni a ti. NEZCC hmalak dan tur sawihona hi Nagaland Art & Culture Secretary Pi Ahola Those in a kaihruai a, an sawiho zingah Discover North East Yatra kalpui dan tur te, Painting workshop, Spring festival leh Octave festival buatsaih dan tur te leh ramri hnaiha programme chi hrang hrang buatsaih dan tur leh Umang Festival hman dan tur te a tel a ni.