Chakma Autonomous District Council inthlanna, tun thla ni 20-a neih tur atan training zawng zawng vawiin khan zawhfel a ni

0
214
views

Chakma Autonomous District Council inthlanna, tun thla ni 20-a neih tur atan training zawng zawng vawiin khan zawhfel a ni a, EVM an hman tur zawng zawng pawh hman theih tura siam fel vek a ni tawh a, Polling Party hmasa chu naktukah chhuah tir an ni ang. ZONET zawhna chhangin Election buaipuitu Officer-te chuan Lawngtlaia All NGO Coordination Committee huaihawta kar kalta chhunga pisa kai tur dan chuan inbuatsaihna engemaw chen ti khaihlak mahse nimin a\anga an bansan hnuah inbuatsaihna kal lai a chhunzawm leh theih tawh niin an sawi a, harsatna thleng thei pumpelh nan he inthlannaa duty tur Polling Officer leh Returning Officer-te chu Chawngte Sub-Division a\ang veka ruat \hat an ni a, training pawh tluang taka neih zui theih a ni a, venhimna lam pawh \ha tawka ruahman a ni. Puan tawh angin Chakma Autonomous District Council inthlanna tun thla ni 20, Zirtawpnia neih turah hian Seat 19 inchuh turin Candidate 63 an awm a, hengte hi Congress Candidate 19,MNF Candidate 18, BJP Candidate 19 leh Independent 7 an ni. Fultuli biala Congress Candidate Pu Kali Kumar Tonchongya chu chuhtu awm lova tlinga puan a lo ni tawha, amaherawhchu he biala MNF Candidate, Pu Sumir Tongchongya hian RO thutlukna siam hi a khin a vangin Guahati High Court Aizawl Bench chuan RO thlutlukna siam hi thu tlinga ngaiin May ni 14-a ngaihtuah zui turin a dah a ni. Chakma Autonomous District Council inthlanpui neih tur atan hian Party hrang hrang candidate leh Party hruaitute chu ngawrh takin an Campaign a, MNF President, Pu Zoramthanga chuan kar kalta khan Chawngte tlawhin Election Manifesto a hawng a, an party chuan Campaign beihpui an thlak zui bawk a, BJP Vice President, Pu Vanlalhmuaka pawhin Chawngteah chamchilhin Campaign a hova, Congress President, Pu Lal Thanhawla pawhin vawiin khan Helicopter hmanga lehlangin Chawngte-ah a campaign a ni. Puan tawh angin seat 20 awmna, Chakma Autonomous District Council inthlanna neih turah hian Vote nei mi 30565 ten candidate 63 zing a\angin an aia rorel tur an thlang dawna, vote thlakna turin Polling station 66 siam a nia, heng zinga 6 chu ramri depa awm an nih avangin \ha tawka ven ngai an ni. vote tla te hi ni 24-ah chhiar a ni ang a, inthlanna pumpui hi ni 28-ah zawhfel a ni ang.