Mizoram Youth Commission buatsaih Youth Summit and Road Show, 2018 chu vawiin khan Aizawlah \an a ni. May thla tawp thleng awh tur Youth Summit and Road Show, 2018 hi Assembly Annex-ah Finance Minister, Pu Lalsawta’n a hawng a, hei hi kawng hrang hranga \halaite hmasawn tura infuihna leh inzirtirna tur niin, hemi chhung hian thiam bik zirna lama hmasawnna tur thil pawimawh te, zirna kaihhnawih kawng hrang hrang leh hnathawh tur thlengin \halaite kawng kawhmuh an ni dawn a ni. A hawngtu Finance Minister, Pu Lalsawta chuan, Mizoram chu sik leh sa duhthusam a nih thu te, Zohnahthlak zawng zawngte \awng khat hmanga inbe tlang thei an nih thu te sawiin, hmasawn tura remchanna awmte chu hman \angkai thiam a \ul a ni, a ti a. He remchanna hi hnamdangin rei tak an chhawr \angkai tawh avangin Mizo \halaite ngeiin an chhawr theih nan \halaiten enge an tih ang a, eng hna nge an thawh dawn tih chu zawhna pawimawh tak a ni a ti. Pu Lalsawta chuan, Synod Social Front zirchiannaah Mizorama hnathawktu tam zawk chu kum 50 chunglam a ni tih tarlan a nih thu sawiin, hei hi thil \ha lo tak a ni, a ti a. He zirchianna hi \halaiten inenfiahnan hmang se a duh thu leh, Mizoram \hatna hmang \angkai tura \anlak a \ul thu a sawi.
MYC Chairman, Pu Joseph Lalhimpuia pawhin, Youth Summit and Road Show, 2018 chu kawng hrang hranga \halaite hmasawnna tur buatsaih a nih thu leh ‘\halaite tan hmathlir i zauh ang aw’ tih chu an a< hla a nih thu a sawi a. Zirchianna pakhat tarlan danin, Mizorama hnathawktu tam zawk chu kum 50 chunglam an nih avangin kawng hrang hrangah \halaiten \an an lak a ngai a, lumet, Mitiri leh Skilled Development thlenga \anlak a \ul tih a sawi. Pu Joseph Lalhimpuia chuan, \halai hnathawk rual zingah hnathawh tur nei lo an tam lutuk chu thil \ha lo tak a nih thu sawiin, Sorkar-in \halaite khawvel thar siam tura hma a lak mek rualin an inenfiah a \ul a, chumi kawnga pui tur chuan Mizoram Youth Commission chu a inhawng reng tih a sawi. MYC Youth Summit & Road Show hawnna inkhawm hi Planning Secretary, Dr. C. Vanlalramsanga’n a kaihruai a, hemi hnu hian Sorkar Department 9 leh pawl 21-in dawr 54 an siam chu mipui tlawh thei turin Finance Minister-in a hawng leh a ni. Youth Summit & Road Show hi naktuk hian Aizawlah chhunzawm leh a ni ang a, hemi hnu hian District Headquarters hrang hrangah a indawta neih chhunzawm tur niin, April ni 24-ah Kolasib-ah, ni 27-ah Mamit-ah, May ni 4-ah Serchhipah, ni 11-ah Champhaiah, ni 18-ah Siaha-ah, ni 25-ah Lawngtlai-ah neih tur niin, a kharna chu May ni 30 leh 31 hian Lungleiah neih a ni ang
