Chakma chungchanga hma la ngam awm chhun ZPM- Pu Lalduhoma

0
438
views

|angrual pawl, Zoram Peoples Movement chhung inkhawm hmasa ber chu vawiin khan Treasury Square-a an pawl Pisa-ah an nei a. ZNP President, Pu Lalduhoma chuan, \angrual pawl chauh hi Chakma chungchanga hma la ngam awm chhun nia sawiin, Party dangte chu Chakma chungchanga sulhnu pawr leh hnuhma nei tawh an nih avangin engmah sawi ngam tur an ni lo niin a sawi a. Chakma chungchangah hian hnam anga thiltih a ngai tih sawiin, mipui zawng zawng lenna tur Committee din a ngai a, hemi atan hian Central YMA-in chak zawkin hma la thei se a duh thu a sawi bawk. Pu Lalduhoma chuan, dan lova Mizorama lo lut, Chakma-te hnawhchhuahna theihna, thuneihna chu Mizoram sorkar kutah hlan a ni a, hemi chungchang hi sorkar laipui pawhin Mizoram sorkar chu \um eng emaw zat a hriattir tawh a, kumin August ni 8 pawh khan Union Home Ministry-in Chief Secretary hnenah lehkha thawnin, Chakma Foreigner-te hnawtchhuak tura thuneihna an neih dan a hrilhfiah hial nia sawiin, heti chung hian dan lova Mizorama lo lut, Chakma-te hnawtchhuak duh leh hnawt chhuak ngam an awm chuang lo niin a sawi. ZNP President chuan, Mizorama sorkar ding tawh zingah Brig. T. Sailo kaihhruai, sorkar kha Chakma Foreigner-te hnawtchhuak ngam awm chhun niin a sawi a. PC Sorkar khan kum 1982-ah Chakma Foreigner 4,572 zet an lo um chhuak tawh a. Hetianga hma an lak mek lai hian kum 1982 June thla khan khatih laia MNF President lailawk, Pu Aichhinga’n Brig. T. Sailo kaihhruai sorkar chu lehkha pe-in Chakma chungchanga hma la tawh lo turin a hriattir nia sawiin, hei hian vawiin thlengin a \ha lo zawngin nghawng a nei chho ta niin a sawi. Chakma-te chu UT hial dil ngam khawpa tihuangtau-ah Congress sorkar chu puhin Pu Lalduhoma chuan, kum 1991 July ni 8 khan khatih laia Congress kaihhruai Mizoram sorkar chuan Chakma-te chu Sorkar laipuiah UT a dilpui niin a sawi a. Hei hi Sorkar laipui pawhin ngai pawimawhin hemi chungchang ngaihtuah tur hian Rajya Sabha-ah Committee on Petition hial din a ni a, hei hi a hlawhchham theih nan Mizo mipuiten kum 1997 November ni 20 khan Aizawl khawpuiah kawng hial an zawh a ngaih phah niin a sawi. Pu Lalduhoma chuan, Chakma-te chu haw hawa nawr lova, thiam taka nawr an ngai tih sawiin, Election Commission -in kum 1950 January hnu lama Chakma lo lutte chu Electoral Roll a\anga paih a phal angin 1950 January hnu lama lo lutte chu hnawhchhuah an nih theih nan Sorkar laipuiin Citizenship (Amendment) Bill, 2016 a buaipui mek chu a hlawhtlin loh nan emaw, lo hlawhtling ta pawh ni se Mizoram a huam ve loh nan emaw chak zawka ch>t ngai a tih thu a sawi bawk.

MPC President, Pu Lalhmangaiha Sailo pawhin, tuna Mizoramin a mamawh ber chu sorkar \ha din a ni tih sawiin, hman a\anga tawha sorkar \ha din duh em emtute mipuite beiseina chu vawiin thlena tihhlawhtlin a la ni lo niin a sawi a, hei hi mipui thiam loh ni lovin, Political party-ten mipui an bum \hin vang niin a sawi. Pu Lalhmangaiha Sailo chuan, Mizoramah sorkar \ha din a nih phawt chuan mi zawng zawngin a zar an zo vek dawn nia sawiin, ram rorelna \ha lo awm reng chunga mimal lo din chhuah bik emaw, a zar lo zo bik emaw chu thil \ha ber a nih loh avangin mi zawng zawng huapzo sorkar din turin ZPM chuan chak takin hma a la zel niin a sawi.

Vawiina ZPM chhung inkhawm hi MPC Senior Vice President, Pu Vanlalhlana’n a kaihruai a. ZPM Steering Committee General Secretary, Pu K. Sapdanga’n an pawl thiltih leh hmachhawp hrang hrang tarlangin, tun thla ni 12 khan Lunglei-ah ZPM Steering Committee din a nih thu leh ni 16 khan Serchhip-ah din a ni tih a sawi a, Serchhip District-a ZMP Steering Committee hruaitute hi thla thar, November ni 2-ah puanzar tum a ni tih a sawi. Pu K. Sapdanga chuan, October thla chhunga Aizawl khawpui chhung veng hrang hrang tlawh chhuah Programme chu ngawrh taka chhunzawm mek a ni tih sawiin, November thlaah pawh ngawrh lehzuala thawh dan tur ruahman mek a nih thu a sawi. |angrual pawl thupuangtu ni bawk, Pu K. Sapdanga chuan, nakkuma Assembly inthlanpui hmachhawn tura an khingpui tur Political Party-te chuan sum chelek an tum hle nia hriat a ni tih a sawi a. Rorel lai Congress party chuan, NEDP hmangin mipui vote lei an tum a, hetiang bawk hian MNF-te pawhin sum nei lo mah se, sum hmanga inlei tlin theih a ni tih an hriat avangin a ba thlauvin SEDP an zuar nia sawiin, BJP pawhin PM, Pu Narendra Modi chakna hmangin sum hmanga inlei tlin an tum a, BJP hian Mizorama bu khuar a tumnaah hetianga thil a tih chuan, Kristian-te Pathian hi an cho tihna a ni dawn tih pawh Pu Narendra Modi-a hian hria se a duh thu sawiin, an khingpuite hian eng ang pawhin sum chelek mah se, anni chuan MPF Policy bak an zawm ve dawn lo niin Pu K. Sapdanga chuan a sawi a ni.