MPP chhinchhiahna puanzar tlangzarh

0
368
views

Mizoram Peoples Party (MPP) chhinchhiahna puanzar (party flag) chu Aizawl Press Club-ah vawiin khan an President, Pu C Lal\anpuia’n a tlangzarh. Hemi puala inkhawm neihah Pu C. Lal\anpuia chuan, tun hma a\angin Mizorama Political party indin tawh leh tuna awm mekten sorkar siam turin mipui tam leh a haw haw zawnga an tih \hin avangin sorkar \ha a awm theih loh phah niin a sawi a, inthlan dawn apiangin policy leh manifesto thar an duang ziah pawh hian an rintlak lohzia tilangtu nia sawiin, ram siam ngaihna hre tawh lote kutah thuneihna pe tawh lo turin Mizo mipuite a sawm a ni. Pu C. Lal\anpuia chuan, an party chu mahni insengso-a ram siam hna thawk tur a nih avangin ei rukna lam a ngaihtuah hman dawn lo niin a sawi a, mipui huap zo, belh chian dawl leh rintlak siam an tum tih a sawi. ZPM chungchang sawiin Pu C Lal\anpuia chuan, tute emaw titau leh lungawi lo an awm chuan keh chhe mai thei dinhmuna ding reng niin a sawi a, party \hiata hmun khata luan ho chu an party duh dan a nih bawk si avangin he pawlah hian an tel ve thei lo niin a sawi. Mizoram Peoples Party puanzar tlangzarh tak chu rawng pawl, a laiah khampat Bungpui lem chuang a ni a, an party hming an nem kai bawk. He inkhawm hi an pawl Vice President, Pu Vanlalhuma Kawlni-in a kaihruai a ni.