Chakma hmeichhe pakhat pawngsualtua puh mi pahnih man

0
639
views

Kumin July thlaa Silsuri khaw mi, Chakma hmeichhe pakhat pawngsualtua puh, BSF Constable pahnih, Nilanjan Das leh Dinesh Kumar chu Thawhlehni khan Police ten an man a, Mamit Police Station-ah kawl mek an ni. Police hotute hnen atanga thu dawn danin, Chakma hmeichhe pakhat, BSF miten an pawngsual chungchangah hian a unaupain Marpara Police Station-ah FIR a thehlut a, hei hi bawhzuiin Police te chuan a pawngsualtu nia hriat, BSF Constable pahnih hi an man a, hemi hnu hian an pawngsual nia sawi hmeichhia chuan pawngsualtua puhte hmel hi enfiahin, amah pawngsualtu an ni tih finfiah tawh a ni a, pawngsualtua puhte erawh hi chu an la inpuang lo a ni. He hmeichhe pawngsual chungchangah hian Marpara Police Station-ah thubuai ziahluh tawh a ni.