Hemi chungchanga vawiina Aizawl Press Club a thuthar thehdarhtute an kawmnaah MSU President Pu Vanlaliana Khiangte chuan, Kum 2017 September thlaa Chawngte Higher Secondary School-a Mizo zirlaite Chakmain kut an thlak chungchangah Mizo zirlaite thlavang hauhin Aizawla Chakma House-a Liasion Officer chu thil awmzia zawhfiah tumin a Office ah an len chilh tih a sawi a, LO hian sawifiah tur a hriat loh avangin Mizo zirlaite thlavang hauh nan Chakma House chu mikhual thleng rih lo se a \hat zawk tur thu khatihlaia MSU hruaitute khan an hrilh niin an sawi a, hemi chungchanga Chakma House LO in MSU hruaitute laka FIR a thehluh chu a hnuhkir loh avangin MSU hruaitute chuan tunah hian Court thubuai an nei mek tih an sawi a, case hi titawp tura hma la nghal turin sorkar an ngen tih an sawi a, an thil phut hi a hlawhtlin loh chuan naktuk atangin Chakma house hawn leh a bula Chakma Students Hostel an sak chu chhunzawm an remtih dawn loh thu an sawi.
MSU hruaitute hi nizan khan Chakma House LO in FIR a thehluh a hnuhkir loh chhan zawhfiah tumin an kal a, MSU hruaitute hi Police ten lo dangin MSU hruaitute hian buaina siam tuma kal an nih loh thu leh LO chu thil awmdan zawhfiah an tum mai thu Police hotute hi an hrilh a, Police hotute hi LO chu an mahni a biak theih leh theih loh zawh sak tura an ngen angin Police te venhihmna hnuaiah Houese LO leh MSU hruaitute hi LO pisaah an inbia a, LO in FIR a thehluh hnuhkir chu a nachang a hriat loh avangin a hnukkir ta lo tih sawiin thuneitu sang zawk atanga thupek dawnga hnul kir lo a nih loh thu MSU hruaitute hi a lo hrilh a, MSU hruaitute pawhin FIR chu hnukkir tur leh an hruaitu hluite case a tawp theihna tura hma la turin an phut a, buaina thleng lovin an \in a ni.
