September ni 26-a Chawngte Higher Secondhary School zirlaite Sport lai, Chakma \halai \henkhatin an tibuai nia sawi avanga buaina awm mek chungchang chu vawiin khan Mizo Students’ Union, Chakma Autonomous District Council leh Chakma Zirlai pawl hruaituten Lawngtlai West bialtu MLA, Pu C. Ngunlianchunga leh Tuichawng bialtu MLA, Dr. BD Chakma hovin Pu C. Ngunlianchunga pisa-ah an sawihova, Aizawl Hunthar Venga Chakma House-ah mikhual thlentir leh tawh an remti. Inbiakna kaihruaitu, Minister of State, Pu C. Ngunlianchunga chuan, Chakma leh MSU inkara inhriat thiam lohna thleng mek lo irh chhuah dan chu thil ho te nia a lan thu leh, thil kal dan fuh tawk loh avanga boruak lian chho ta mai nia a ngaih thu a sawi a. He thil thleng chungchangah hian Mizo zirlaite chu an thinrim hle chungin, an hruaituten puitling takin buaina an hmachhawn a, Chakma House kal chilh a, kawng hial an zawh chungin boruak duhawm lo lian tham a thleng zui lo tih sawiin, lawmawm a tih thu leh tun hnu zelah pawh ral khata thil thleng reng reng chu finfiah a nih hma chu um zui chiam ni \hin lo se \haa a hriat thu a sawi. Pu C. Ngunlianchunga chuan, Chakma thawh phawt chu huat vek tur ang deuha inzirtirna ang chi chu \ha lo a tih thu sawiin, dan lova Bangladesh a\anga lo pem lutte chu tumahin an duh lova, hetiang ni lo, Mizorama awm nghet te chu \hiana siam thiam zawk a pawimawh nia a hriat thu a sawi bawk.
Tuichawng bialtu MLA, Dr. BD Chakma pawhin Chakma chungchangah Social Media-a thu dik tawk lo vawrh darh a ni \hin chuan buaina a tipunlun \hin nia a ngaih thu a sawi a. Tun hnaia Chakma leh Mizo zirlaite inkara buaina ching fel tura inbiak chu \ha a tih thu sawiin, hetiang inbiakna hi buaina chhuah \um chauh ni lovin kum khatah \um 2/3 vel buatsaih ni \hin se a duh thu a sawi.
MSU President, RB Lalmalsawma chuan, Chakma-te chu Mizoramah mikhual angin an inngai reng em tih leh, Mizoram \hen hrang turin hma an la reng em tih chu a zawhna a nih thu a sawi a. Tun hma a\ang tawhin Chakma leh Mizo-te inkarah buaina a chhuak fova, hengah te hian hnam thil hawi zawnga um zui a nih ngai loh thu sawiin, tun hnaia zirlaite chunga kut thlak a ni chu an ngai thiam lo hle tih a sawi. RB Lalmalsawma chuan, Chakma-te chu a pawng a puiin an haw ngawt lova, an en hrang hek lo nia sawiin, hetih rual hian tun \um chauh ni lo, buaina dang a chhuah nikhuaah pawh Chakma-te chuan ram neitu, Mizo-te chungah ngaihdam dil a hn>kin, a leiko thei ang bera sorkar laipuia zualko an ching chu \ha lo a tih thu a sawi a. Mizoram tei t> zawng leh \hen darh zawnga thil ti an awm chuan Mizoram humhim turin a theih ang angin \an an la dawn niin a sawi. He inbiaknaah hian MSU General Headquarters, Aizawl City College Joint Students’ Union hruaitute, Chakma Autonomous District Council-a MDC pahnih, Chakma House Liaison Officer leh Asst. Liaison Officer leh Mizoram Chakma Students’ Union hruaitute an tel a. September ni 26-a Chawngte Higher Secondary School zirlaite Sport lai, Chakma \halai \henkhatin an tihbuai nghawng kal zela buaina chhuak chu \ha lo an tih thu leh a mawhphurtute an dem thu te, hetiang thil hi tun hnuah thleng tawh lo se, a lo thleng palh a nih pawhin Social Media-ah a tipunlun zawnga thu theh darh a nih loh nan \an lak ni se, he buainaa mawhphurtu leh zirlai hruaitute kut thlaktute chu darkar 24 chhunga zawng chhuak a, hrem tur leh kut tuarte chu zir chian a, chhawmdawlna pek an ngai a nih chuan a \ul anga chhawmdawlna pek ni se, Bangladesh a\anga dan lova Chakma lo lut \hinte zawn chhuah kawngah thawhho \hin se an tih bakah MSU leh ACCJSU-in Aizawl Hunthar venga mikhual thlen rih loh ni se an tih chu tihtawp an remti bawk
