Mizoram chhiatna chhan bul ber chu eirukna a ni: PRISM President

0
614
views

Prism President, Pu Vanlalruata’n tuna Mizoram chhiatna chhan bul ber chu eirukna niin vawiina Upper Republic-a an pawl Pisa-a Political Training-ah a sawi a. Tunah hian Mizoram hi eiruk hmangte vanram a ni ber nia sawiin, hei hi a rang thei ang bera tihreh a \ul thu leh, Prism-in thuneihna a chang a nih chuan, eirukna tihreh chu an hna hmasa ber tur a nih thu a sawi. Eiruk hmangte chu hrem an nih bakah, The Mizoram Public Servant Personal Liability Act hmangin an eiruk sa chhuhsak a nih tur thu a sawi bawk. Pu Vanlalruata chuan, Mizoramin mipui nawlpui ban phak hmasawnna a mamawh tawh nia sawiin, eng tikah emaw chuan Mizoram hi mahnia ro inrel tura duhthlanna hun siamsak a nih a rin thu pawh a sawi a, chutiang hun a lo thlen pawha buai lo tura lo inbuatsaih lawk a \ul thu a sawi bawk.