Chaltang-ah motor insuchhawng

0
348
views

Vawiin chawhnu dar khat vel khan Aizawl Municipal Corporation hnuai-a bawlhhlawh paih motor, 407 pakhat, Bawngkawn lam pana tlanin Chaltlanga Bazar India dawr bul kawng kawi laiah Bawngkawn lam a\anga Wagon R lo chho chu feet 15 vela thui a hnawl a, hemi bakah hian City Bus chhuk lama tlan chu a su her lawih a, hei hian Taxi tlan chho lam a sut bakah Alto Taxi dang a tauh phah a, hei hian Alto car sen pakhat pawh a tauh bawk a ni. Motor insut chhawn chungchanga mawhphurtu ber bawlhhlawh paih motor khalhtu hi Laltlanchhuaha, Lawipu Veng a ni a, a ring ruh a nat avangin damdawi ina dah luh a ni a, Police te chuan thil awmdan an enfiah hnuah Laltlanchhuaha hi manin thubuai an la siamsak dawn nia thudawn a ni. He motor insu chhawng avang hian thi leh hliam an awm lova, bawlhhlawh phur motor-in a sut hmasak ber Wagon R erawh hi chu a chhe nasa hle a ni.